श्रेष्ठको निधनपछि जिल्लानै शोकमा

मन्थली,१३ पुष । सामाजिक र राजनितिक क्षेत्रका अग्रणी रुपमा चिनिएका राजनारायण श्रेष्ठको निधन भएपछि रामेछाप जिल्लानै शोकमा डुवेको छ । हृदयघातका कारण मंगलवार राति श्रेष्ठको अप्पायूमै निधन भएपछि जिल्ला नै शोकमा डुवेको नेपाली काँग्रेस रामेछापका सचिब दिपक खड्काले बताउनुभयो ।
नेपाली काँग्रेस काठमाण्डौ –रामेछाप सम्पर्क मञ्चका सभापति समेत रहनुभएको श्रेष्ठको निधनपछि विहिवार शवयात्रा पश्चात पशुपति आर्यघाटमा अत्येष्टी गरिएको थियो ।
किष्ट अस्पतालबाट श्रेष्ठको निजि निवास काठमाण्डौंको नरेफाँट हुँदै पशुपति आर्यघाट पुर्याइएको श्रेष्ठको शव यात्रामा हजारौंको संख्यामा सर्वसाधारण, व्यापारी तथा विभिन्न राजनैतिक दलका नेता तथा कार्यकताको सहभागिता रहेको थियो ।
नेता श्रेष्ठको अन्तिम श्रद्दान्जलीको लागि पशुपति आर्यघाटमा नेपाली काँग्रेसका सभापति एवं पूर्व प्रधानमन्त्री शेरबहादुर देउवा, नेपाली काँग्रेसका महामन्त्रीद्धय गगन थापा र विश्वप्रकास शर्मा, नेपाली काँग्रेसका केन्द्रिय सदस्यहरु, नेपाली काँग्रेस रामेछापका सभापति एवं सांसद पूर्णबहादुर तामाङ्ग सहित नेपाली काँग्रेस रामेछापका नेता तथा कार्यकर्ताहरु, बिभिन्न राजैतिक दलबाट निर्वाचित जनप्रतिनिधिहरु एवं ठुलो संख्यामा सर्वसाधारणको समेत सहभागिता रहेको थियो ।
स्वर्गिय नेता श्रेष्ठलाई उनका छोरा कृष्ण श्रेष्ठले दागबत्ति दिएका थिए । ५० बर्षिया श्रेष्ठको ४ छोरी, १ छोरा र श्रीमति हुनुहुन्छ । राजनितिका साथसाथै बिभिन्न सामाजिक तथा होटल ब्यवसायमा सक्रिय श्रेष्ठको निधनले पार्टिलाई अपुरणिय क्षति पुगेको नेपाली काँग्रेस रामेछापले जनाएको छ ।