मन्थली,२७ पुष । श्री कालिका माध्यामिक बिद्यालय दोरम्बा शैलुङ गाँउपालिका लखनपुरमा विहिवार सोम प्रसाद ढुंगेल स्मृति अक्षयकोष मार्फत सो विद्यालय र आसपासका विद्यार्थीहरुलाई विद्यालय सामाग्री बितरण गरिएको छ ।
विहिवार उक्त विद्यालयको प्राङ्गणमा सो अक्षयकोषको १५ औं वार्षिक कार्यक्रम अन्तर्गत सो माध्यामिक विद्यालय र आसपासका गरिब तथा विद्यार्थीहरुलाई विद्यालय सामाग्री हस्तान्तरण गरिएको हो ।
तोयानाथ ढुंगेल (९स्व.सोमप्रसाद ढुंगेलका भाइ ) को अध्यक्षता एबं सो वडाका वडा अध्यक्ष श्री टिकाप्रसाद गौतमको प्रमुख आतिथ्यतामा उक्त कार्यक्रम सम्पन्न भएको हो ।
सो अबसरमा कालिका माविका प्र.अ यानप्रसाद ढुंगेलले कोष सञ्चालनबारे जानकारी दिदै यसका विद्यार्थीहरुलाई वर्षेनी विद्यालय सामाग्रीहरु उपलब्ध गराउनु राम्रो पक्ष भएको बबताउनुभयो ।
कार्यक्रमका अवसरमा सो विद्यालयका बि.ब्य.स अध्यक्ष श्री यसु चौलागाईं स्थानीय समाजसेवी श्री खडानन्द ढुंगेल झम्क श्रेष्ठ,भगवान सिंह लामा, मिनप्रसाद चौलागाई लगाएत विद्यालयका शिक्षकहरु, स्थानीय अभिभावकहरु,वडा सदस्यहरु,विद्यालय व्यवस्थापन समितिका सदस्यहरुको समेत उपस्थिति रहेको थियो ।
सो अवसरमा उक्त विद्यालयका कक्षा १ देखि १२ सम्मका १०० गरिव, उत्कृष्ठ, र जेहन्दार विद्यार्थीहरु लाई पुरस्कार वितरण गरिएको थियो ।
दोरम्बा शैलुङ गाँउपालिकाको जनता आधारभूत विद्यालय, हरेराम आधारभूत विद्यालय, सूर्यज्योति आधारभूत विद्यालय,बुद्धेश्वरी आधारभूत विद्यालय, गणतान्त्रिक विद्यालय र सेतीदेवी आधारभूत विद्यालयका दुई ÷दुई जना गरिव तथा जेहेन्दार विद्यार्थीहरुले पुरस्कृत भएका थिए । सो अबसमरा सो विद्यालयका इमान्दार र कर्तब्यनिष्ठ दुईजना कर्मचारीलाई समेत पुरस्कृत गरिएको थियो ।
कार्यक्रमका अवसरमा बोल्दै स्व. ढुंगेलका छोरा श्री बिदुर प्रसाद ढुङ्गेलले यसरी आफ्नो वुवाको नाममा अक्षयकोष स्थापना गरी गरिव तथा जेहेन्दार बिद्यार्थीहरुलाई विद्यालय सामाग्री उपलब्ध गराउन पाउनु गौरवको कुरा भएको भन्दै सहभागि सबैलाई धन्यवाद ज्ञापन गर्नुभयो । उहाले पुरस्कारको दायर अझ बिस्तार गर्दै लैजाने बताउनुभयो ।
यो बारेमा तपाईको प्रतिकृया