मन्थली,१० फागुन । नेपाल प्रतिलिपी अधिकार रजिस्ट्रारको कार्यालय काठमाण्डौंले प्रतिलिपि अधिकार सम्बन्धी कानून कार्यान्वयनको अबस्था र सुधारका क्षेत्रहरु तथा स्रष्टाले प्राप्त गर्ने रोयल्टी बिषयक एक दिने अन्तरक्रिया कार्यक्रम विहिवार रामेछापको मन्थलीमा सम्पन्न गरेको छ ।
सो कार्यलयकी कार्यालय प्रमुख पुण्यमाया गुरागाँईको अध्यक्षतामा सम्पन्न उक्त कार्यक्रमको उद्घाटन जिल्ला न्यायधिश इन्दिरा शर्माले पानसमा बत्ती वालेर गर्नु भएको थियो ।
सो अबसरका कार्यलय प्रमुख गुरागाँईले प्रतिलिपि अधिकार र यसका विविध पक्षहरु र जिल्ला प्रहरी कार्यालय रामेछापका प्रहरी नायव उपरीक्षक होम बहादुर पराजुलीले प्रतिलिपी अधिकार हननमा पर्ने उजुरीको अनुसन्धान अभियोजनका विविध पक्षहरुका बारेमा कार्यपत्र प्रस्तुत गर्नु भएको थियो ।
ति कार्यपत्रहरुमाथि जिल्ला अदालतका श्रेस्तेदार मधुसुदन आचार्य र मन्थली सहिद स्मृति बहुमुखी क्याम्पसका सहायक प्रमुख रीता सुवेदीले टिप्पणी गर्नु भएको थियो ।
सो कार्यपत्र हरुमा स्रष्टाका बौद्धिक चोरी गर्न नहुने, अर्काको गित चोरेर गाउने तथा युटुव तथा फेसवुकमा राख्न नहुने लगाएतका बिषय समेटिएको थियो ।
कार्यक्रमका असवरमा सहभागिहरुले प्रतिलिपी अधिकारको वारेमा आ आफ्ना सुझाव दिएका थिए ।
यो बारेमा तपाईको प्रतिकृया