बि आइ जि को रक्तदान

मन्थली,११ फागुन । बैक तथा विमा समूह (बि.आइ.जी) रामेछापले शुक्रवार रक्तदान कार्यक्रमको आयोजना गरेको छ ।
सामाजिक काममा पनि यो ग्रुप क्रियाशिल भएको सन्देश दिने उद्धेश्यले आयोजना गरिएको वताइएको सो कार्यक्रममा ३१ जनाले रक्तदान गरेका थिए ।
नेपाल रेडक्रस सोसाइटी जिल्ला शाखा रामेछापको प्राविधिक सहयोग मा सञ्चालित उक्त कार्यक्रम मन्थली स्थित देवकोटा चोकमा सम्पन्न भएको हो ।
दिनदिनै रगतको अभाव हुन नदिन आज रक्तदान कार्यक्रम गरिएको र यस प्रकारका सामाजिक कामहरुलाई आफ्नो कार्यकाल भरी निरन्तरता दिने सो गु्रपका अध्यक्ष प्रदिप कुमार कार्कीले बताउनुभयो ।
आबश्यक परेको जुनसुकै वेला रक्तदान गर्न यो समुह तयार भएको सो समुहका सचिब नवराज खड्काले बताउनुभयो ।

विआइजीले रक्तदान गरेर राम्रो सामाजिक काम गरेको प्रति नेपाल रेडक्रस सोसाइटि रामेछापका मन्त्री दुर्गा बहादुर श्रेष्ठले धन्यवाद ब्यक्त गर्नुभयो ।
रक्तदानमा सहभागि सबैलाई रेडक्रस रामेछापका सभापति शिब कुमार कार्कीले विआइजीले तयार पारेको प्रसंशा पत्र प्रदान गर्नुभएको थियो ।