रामेछाप,१३ चैत । रामेछाप नगरपालिका–९ टारका १३ घरका आगलागी पिडितहरु लाई तामाकोसी सेवा समिति मन्थली,मेयरध्वज सेवा समिति रामेछाप न पा–८ भंगेरी र माडवारी सेवा समिति काठमाडौंले छुट्टा छुट्टै राहत वितरण गरेका छन् ।
ति संस्थाका पदाधिकारी एबं सदस्यहरुले मंगलबार घटना स्थलमा पुगेर आगलागी पिडित १३ घर परिवारका लागि सिरक,ग्याँस सहितको सिलिन्डर लगायत विभिन्न खाद्यन्न र खाना पकाउने भाँडाकुडा र जस्तापात समेत वितरण गरेका हुन् ।
लामो समय देखि जिल्लामा सामाजिक कार्यमा संलग्न रहदै आएको तामाकोसी सेवा समिति मन्थलीले वल्र्ड नेवर्स क्यानडाको आर्थिक सहयोगमा १÷१ थान ब्ल्याङकेट,३० केजिको २÷२ बोरा चामल,प्रेसर कुकर, कराई,गिलाँस, थाल,तेल,दाल लगायतका सामाग्री उपलब्ध गराएको संस्थाका अध्यक्ष गुन्ज बहादुर श्रेष्ठले जानकारी दिनुभयो ।
त्यसैगरी रामेछाप नगरपालिका वडा नं–८ भंगेरीमा रहेको मेयरध्वज सेवा समिति रामेछाप र माडवारी सेवा समिति काठमाडौंले पनि आगलागि पीडित १३ परिवारका लागि परिवार को सदस्य संख्याका आधारमा १ देखि ३ थान सम्म सिरक ,ग्याँस सहितको सिलिन्डर र प्रेसर कुकर १ ÷१ थान,कराई थाल र गिलास र प्रति घर २÷२ बण्डेल जस्तापाता समेत वितरण गरेको मेयरध्वज सेवा समिति रामेछापका अध्यक्ष बैकुण्ठ श्रेष्ठले जानकारी दिनुभयो ।
३ वटै संस्थाका सदस्यहरुले रामेछाप नगरपालिका–९ का वडाध्यक्ष चन्द्रबहादुर श्रेष्ठ र स्थानीय पिडितहरु समेतको रोहबरमा उक्त राहत सामाग्री उपलब्ध गराएका थिए । सो अवसरमा श्रेष्ठले हाल सम्म गरेको राहत सहयोगका लागि सबै प्रति आभार प्रकट गर्दै जलेका घर हरुको पुनः निर्माणमा थप सहयोग गर्नका लागि सबै सरोकारवालाहरुको ध्यानाकर्षण गराउनुभयो । दुई हप्ता अघि घर नजिकैको जङ्गलमा लागेको आगो गाउँमा पसेपछि गाउँका १३ घर संगै १४ वटा गोठ जलेर नष्ट भएका थिए ।
यो बारेमा तपाईको प्रतिकृया