२२ भदौ, २०७६
मन्थली- असोज ३ गते पर्ने संबिधान दिबस रामेछापको मन्थलीमा पनि बिबिध कार्यक्रमका साथ मनाइने भएको छ । आइतबार मन्थलीमा जिल्ला समन्वय समितिका प्रमुख प्रेम बहादुर खड्काको अध्यक्षतामा बसेको सर्बपक्षिय बैठकले चौथो संविधान दिवस बिबिध कार्यक्रमका साथ मनाउने निर्णय गरेको हो ।
असोज २ गते देखि ४ गते सम्म रक्तदान, बृक्षरोपण प्रभातफेरी, खेलकुद, दिपावली लगाएतका कार्यक्रमहरु गरी मनाइने भएको हो । कार्यक्रम अनुसार २ गते बिहान ७ बजे देखि १० बजे सम्म रक्तदान कार्यक्रम गरिने र २, ३ र ४ गते सबैले दिपावली गर्ने, देवकोटा चोकमा संबिधान दिवसकै दिन झण्डोतोलन गर्ने, बृक्षरोपण गर्ने, बजार सरसफाई गर्ने र जिल्लामा रहेको सामुदायिक तथा निजि बिद्यालयलाई आ–आफ्नो सास्कृतिक कार्यक्रमका लागि अनुरोध गर्ने साथै ४ गते भलिबल लगाएतका अन्य खेलकुदका कार्यक्रमहरु सञ्चालन गर्ने समेत निर्णय गरिएको छ ।
दिवसलाई भब्य रुपमा मनाउन जिल्ला समन्वय समितिका प्रमुखको संयोजकत्वमा पूर्ब माननियहरु, राजनितिक दलका प्रमुख एबं प्रतिनिधि, सरकारी तथा गैर सरकारी संस्थाका प्रमुख एबं प्रतिनिधिहरु शिक्षक, नागरिक समाजका अगुवा पत्रकार, पेशागत संघ संस्थाहरु, उद्योग बाणिज्य संघ, रामेछाप बार इकाई बिभिन्न बैक तथा बित्तिय संस्थाका प्रमुख एबं प्रतिनिधिहरु समेत रहने गरी मूल समारोह समिति गठन गरिएको छ ।
यो बारेमा तपाईको प्रतिकृया