मन्थली,१९ चैत । चालु आथिक वर्षमा रामेछापका विभिन्न पालिकाहरुमा गरिएको बजार अनुगमन बाट २ लाख,२८ हजार ५ सय रुपैया राजस्व संकलन भएको छ ।
मन्थली नगरपालिका,रामेछाप नगरपालिका र लिखु तामाकोसी गाँँउपालिकाका बजारहरुमा रहेका रहेका बिभिन्न बिन्दुहरु अनुगमन गर्दा मापदण्ड बिपरित आफ्नो ब्यवसाय सञ्चालन गर्ने २१ जना ब्यवसायीहरुलाई गरिएको कार्वाहि बाट जरिवाना स्वरुप उक्त रकम संकलन गरिएको हो ।
सो कुरा सोमबार जिल्ला प्रशासन कार्यालयमा सोमबार वसेको जिल्लास्तरीय वजार अनुगमन समितिको बैठका अबसरमा उद्योग तथा बाणिज्य कार्यालय रामेछापका प्रमुख सुबोध कुमार शाह कर्मयोगीले जानकारी गराउनुभएको हो ।
उहाका अनुसार– चालु आर्थिक बर्ष (साउन देखि हाल सम्म ) मन्थली नगरपालिकामा २८४ वटा, लिखु तामाकोसी गाँउपालिकामा ३० वटा र रामेछाप नगरपालिकामा ६ वटा गरी कुल ३ सय २० वटा बिन्दुहरु अनुगमन गर्दा म्याद गुज्रेका १३ हजार पन्चानब्बे रुपैया वरावरको समान पनि वरामद गरी नष्ट गरिएको छ ।
सहायक प्रमुख जिल्ला अधिकारी एबं जिल्ला वजार अनुगमन समितिका संयोजक किसान न्यौपानेको अध्यक्षतामा बसेको बैठकले अनुगमनमा नेपाल भित्र र नेपाल वाहिर उत्पादित केहि सौन्दर्य (कस्मेटिक) सामानहरु को मुल्य नखुलेको पाइएकोले नेपालमा उत्पादित सामाग्रीहरुको हकम बाणिज्य,आपुर्ति तथा उपभोक्ता संरक्षण विभागलाई आबश्यक कार्वाहिका लागि लेखी पठाउने र मुल्य नखुलेका आयातित सौन्दर्य सामाग्रीहरुको हकमा भने सम्बन्धित बिक्रेताले एक तह माथिको आपुर्तिकर्तासँग समन्वय गरी पूर्ण विवरण सहितको लेवल (मुल्यसूचि)निर्धारण गर्न लगाउने,उद्योग बाणिज्य संघ रामेछापले यस बारेमा थप सहजीकरण गर्ने, मूल्यसूचि नखुलेका आयातित सौन्दर्य सामग्रीको उद्योग बाणिज्य संघले सात दिन भित्र लगत संकलन गर्ने र उक्त लगतको आधारमा आबश्यक कार्वाहि गर्न जिल्ला प्रशासन कार्यालय÷उद्योग तथा बाणिज्य कार्यालयले बाणिज्य,आपुर्ति तथा उपभोक्ता संरक्षण विभागलाई लेखि पठाउने समेत निर्णय गरेको छ ।
यो बारेमा तपाईको प्रतिकृया