नीति र बिधिमा नचल्ने सहकारी लाई नगरले कार्वाहि गर्छ –नगर प्रमुख श्रेष्ठ

मन्थली,२० चैत । मन्थली नगर प्रमुख लव श्रेष्ठले नीति र बिधिमा नचल्ने सहकारीहरुलाई नगरले कार्वाहि गर्ने बताउनु भएको छ ।
सो कुरा उहाले ६७ औं राष्ट्रिय सहकारी दिवसको अवसरमा आयोजित एक कार्यक्रमको मंगलवार मन्थलीमा उद्घाटनका क्रममा बताउनु भएको हो । सो अबसमरा बोल्दै उहाले नगरले सहकारीको क्षेत्रमा केहि गरेन भनेर आरोप लगाउनु भन्दा पनि के चाहि गरिदिनुपर्ने हो सो कुरा छाता संस्था मार्फत नगरमा लिखित रुपमा आउनुपर्ने बताउनुभयो ।
उहाले नगरको निति तथा कार्यक्रम तर्जुमा गर्ने बेलामा लिखित सल्लाह सुझावहरु दिएमा त्यसलाई नगरले आत्मसाथ गरेर नीति तथा कार्यक्रममा राख्न पहल गर्ने बताउनुभयो ।
उहाले सहकारीको समस्याका वारेमा ज्यादै कुरा उठ्ने तर लिखित रुपमा कसैले पनि उजुरी नगरेकाले नीति र विधि मा नचल्ले सहकारी तथा त्यसमा आबद्ध भाखा नाघ्दा पनि ऋण नतिर्ने शेयर सदस्यहरुलाई नियमन तथा कार्वाहि गर्न नगरलाई समस्या भएको बताउनुभयो । उहाले भन्नुभयो –नगरपालिकामा सहकारी सँग सम्न्धित काम गर्ने कर्मचारी हामिले सहकारीको क्षेत्रको बिज्ञ राखेका छौ तर सहकारीका सञ्चालक एबं कर्मचारीहरुले समयमा जानकारी नगराँउदा मन्थली नगर भित्र रहेका सहकारीहरु समस्या ग्रस्त हुन थालेका हुन् ।

“सहकारीमा सुशासन,प्रबिधि र एकिकरण” भन्ने मूल नाराका साथ आयोजना गरिएको सो कार्यक्रमका अबसरमा प्रभातफेरी, प्रवचन र सहकारी सँग सम्बन्धित प्रस्तुतिकरण गरिएको थियो ।
मंगलवार बिहान मदन आश्रीत चोक वाट सुरु भएको र्यालीले मन्थली वजाका विभिन्न भागहरु परिक्रमा गरी मन्थली नगर पालिकाको हलमा पुगेर प्रवचन र प्रस्तुतिकरण गरिएकोे थियो ।
रामेछाप जिल्ला सहकारी संघ, रामेछाप जिल्ला बचत संघ, रामेछाप कृषि सहकारी संघ, रामेछाप वहुउद्देश्सीय सहकारी संघको अयोजना तथा मन्थली नरपालिकाको सहयोगमा उक्त कार्यक्रम सम्पन्न भएको हो । संस्थाका अध्यक्ष हिमाल ढुंगेलको अध्यक्षतामा सम्पन्न उक्त कार्यक्रमको उद्घाटन नगर प्रमुख लव श्रेष्ठले ब्यानर पढेर गर्नु भएको थियो ।

कार्यक्रमका अवसमा जिल्ला बचत संघका अध्यक्ष जगन्नाथ दाहालले जिल्लाका सहकारीहरुको बर्तमान अबस्था र सहकारीहरुले भोगीरहेको पिडाका बारेमा प्रस्तुतिकरण गर्नु भएको थियो । सहकारी अभियान्ता गोबिन्द घिमिरे,कृषि सहकारी संघका सचिब सुन्दर घिमिरे, बहुद्देस्सिय सहकारी संस्थाका अध्यक्ष चन्द्र मानन्धर नेपाल पत्रकार महासंघ बागमती प्रदेशका कोषाध्यक्ष रमेश ढुंगेल,दिदिवहिनी वचत तथा ऋण सहकारी संस्थाकी अध्यक्ष सोबिता न्यौपाने लगाएतले आ–आफ्नो मन्तब्य राख्नु भएको थियो ।