शैक्षिक सत्र सुरु नहुँदै बिद्यार्थीहरुको हात हातमा नयाँ पाठ्यपुस्तक

मन्थली,२६ चैत । रामेछाप जिल्लाका सामुदायिक विद्यालयहरुले शैक्षिक सत्र सुरु हुन पूर्व नै नयाँ शैक्षिक सत्रका लागि प्राप्त पुस्तकहरु बिद्यार्थीहरुलाई वितरण गरेका छन् ।

जिल्लामा रहेका मन्थली नगरपालिका स्थीत वडा नं वडा नं ७ मा रहेको नव दुर्गा आ वि आसिखेत, नवचन्द्र आवि पात्ले, दुर्गा देवी आ वि भटौली लगाएतका जिल्लाका विभिन्न बिद्यालयहरुले पाठ्य पुस्तकहरु वितरण गरेका हुन् ।
यस अघि शैक्षिक सत्र सुरु भएको २ महिना सम्म पनि सेट संख्यामा पुस्तक प्राप्त नहुदा पढाइमा झमेला खेपिरहेका विद्यार्थी हरु यस पटक बैलेमा पाठ्य पुस्तक प्राप्त गरेपछि खुसी भएका छन ।
बिगतको पाठयपुस्तकको हैरानी सम्झदै मन्थली न पा ७ नव दुर्गा आधारभुत बिद्यालयकी कक्षा ५ मा अध्ययनरत छात्रा खुसी कार्की भन्छिन– “पोहोर परार सरहरुले ४÷५ पाठ पढाई सक्दा पनि किताव सबै पाइदैनथ्यो तर यस वर्ष भने स्कुलमा रिजल्ट भएकै (चैत्र २५ गते) दिन सबै किताव सेटमा पायौ यो असाध्यै राम्रो कुरा हो । ”
जिल्लामा रहेका पुस्तक वितरण गर्न वाँकी रहेका बिद्यालयहरुले पनि रिजल्ट सँगै धमाधम पुस्तक वितरण गरिरहेका समाचारहरु प्राप्त भैरहेका छन् ।