मन्थली–काठमाण्डौ सडक खुल्यो

मन्थली, १६ असोज । रामेछापको मन्थली बाट दोलखाको किर्नेटार –चरिकोट हुँदै काठमाण्डौ सम्मको लागि सडक मार्गको अवागमन बुधवार दिउसो बाट खुलेको छ ।

यस अघि को अविरल बार्षाका कारण आएको बाढिले दोलखाको किर्नेटार को हाइड्रो पावर नजिक तामाकोशी नदिले कटान गरेको बाटो अस्थायी रुपमा किर्नेटारमा रहेको खिम्ती प्रोजेक्ट स्कुलको वीच भाग हँुदै भित्रि क्षेत्रबाट ट्रयाक खोलेपछि रामेछापको मन्थली बाट
दोलाखाको किर्नेटार–चरिकोट–मुडे हुदै सिन्धुपाल्चोकको खाडिचउर निस्केर काठमाण्डौ आउने जाने बाटो सुचारु भएको हो ।

बर्षाका कारण आएको बाढिले सुनकोशी नदिमा रहेको खुर्कोटको पुल बगाएपछि र दोलखाको किर्नेटार मा रहको बाटो तामाकोशी नदिले कटान गरेपछि मन्थली –काठमाण्डौ अवागमन गत शनिवारदेखि अवरुद्ध रहेको थियो ।

सडक खुलाउन जिल्लाका सबै राजनैतिक दलहरु,स्थानीय प्रशासन, स्थानीय तह, रामेछाप सहयोगी मनहरु,समाजसेवी लगाएत सबैको पहल गरेका थिए ।

सडक मार्ग खुलेपछि दशैका लागि जिल्ला भित्रने मानिसहरु र खाद्यान्न लगाएतका अन्य सामाग्रीहरुका लागि सहज भएको छ ।
यस अघि खुर्कोटको पुल निर्माण नहँुदा पनि रामेछाप बासीहरु यहि बाटो भएर मन्थली –काठमाण्डौ आवत जावत गर्ने गरेका थिए ।
काठमाण्डौ देखि नेपालथोक हुदै खुर्कोटको पुल तरेर मन्थली जानका लागि १ सय २६ किमि यात्रा गर्नु पर्नेथियो
भने हाल खुलेको यस मार्ग मार्फत यात्रा गर्दा मन्थली–काठमाण्डौका लागि २ सय किलोमिटर यात्रा गर्नु पर्दछ ।