मन्थली,१३ पुष । नेपाल पुस्तक तथा स्टेसनरी ब्यवसायी महासंघले यही पुष १७ गते देखि काठमाण्डौको भृकुटीमण्डपमा दक्षिण एसियाली अन्तराष्ट्रिय महोत्सव हुने भएको छ ।
पठन संस्कृतिको विकास र प्रवद्र्धन गरी देशमा शैक्षिक, बौद्धिक जनशक्ति उत्पादनको लक्ष्यसहित काठमाडौँमा दोस्रो दक्षिण एसिया अन्तराष्ट्रिय पुस्तक प्रर्दशनी–२०८१ आयोजना गर्न लागिएको हो ।
नेपाल पुस्तक तथा स्टेसनरी व्यवसायी महासंघ र करेन्ट मिडिया एन्ड रिसर्च सेन्टरको संयुक्त आयोजनामा काठमाडौंको भृकुटीमण्डपमा ५ दिन सम्म उक्त प्रदर्शनी हुन लागेको हो ।
महासङ्घ र करेन्ट मिडिया दुबै संस्थाद्वारा गत वर्षदेखि सुरु गरिएको प्रदर्शनीलाई निरन्तरता दिँदै यही पौष १७ गते देखि २१ गतेसम्म सञ्चालन हुने प्रदर्शनी पुस्तक र शिक्षासँग सरोकार राख्ने व्यक्ति र संस्थाका लागि आकर्षणको केन्द्र बन्दै गएको बताइएको छ ।
“चेतनाका लागि गुणस्तरीय शिक्षा, गुणस्तरीय शिक्षाका लागि गुणस्तरीय शैक्षिक सामग्रीको सिद्धान्त र आवश्यकता” भन्ने मूल नारालाई आत्मसाथ गरी प्रर्दशनी आयोजना गर्न लागेको नेपाल पुस्तक तथा स्टेशनरी ब्यवसायी महासंघका अध्यक्ष शिव सागर शर्माले बताउनुभयो ।
प्रदर्शनीमा दक्षिण एसियाका देशहरु नेपाल, चीन,भारत सहितका अधिकांश देश र अन्य देशका प्रकाशक,उत्पादक तथा वितरकहरूको सहभागिता रहने महासंघका महासचिब विष्णु प्रसाद पौडेलले बताउनुभयो ।
प्रदर्शनीमा १५० भन्दा बढी स्टलहरू रहनुका साथै देश तथा विदेशका एक सय पचास भन्दा बढी प्रकाशक तथा उत्पादकहररूको जमघट हुने महासंघका सचिब महेश शर्माले बताउनुभयो ।
प्रर्दशनीमा पुस्तकका साथै नेपालसहित विश्वका विभिन्न देशमा उत्पादित शैक्षिक सामग्री प्रदर्शनमा राखिने छ । प्रदर्शनीमा नेपालबाट मात्र नभई दक्षिण एसियाली क्षेत्रका धेरै राष्ट्रहरू र चीनको समेत महत्वपूर्ण सहभागिता रहने भएकाले स्वदेशी तथा विदेशी शैक्षिक सामग्रीहरूको अवलोकन, आयात, निर्यात जस्ता कुरामा सहज वातावरण बन्ने र विभिन्न देशका उत्पादकबीच आपसी सहकार्यको वाताबरण बनाउन सहयोग पुग्ने अपेक्षा गरिएको पनि अध्यक्ष शर्माले बताउनुभयो ।
उहाले भन्नुभयो –“महोत्सवले दक्षिण एसियाली राष्ट्रहरूबिच शिक्षा, साहित्य, कला, संस्कृति र सञ्चारको आदानप्रदानको माध्यमबाट समेत आपसी सम्बन्ध प्रगाढ बनाउनमा महत्वपूर्ण भूमिका खेल्ने विश्वास हामीले लिएका छौं । ”
महोत्सव राष्ट्रिय शिक्षा क्षेत्रका सरोकारवाला निकाय,संघ संस्था र व्यावसायिक प्रतिष्ठानहरूका लागि उपयुक्त सल्लाह,सुझाव उपलब्ध गराउने स्थल बन्ने अपेक्षा महासंघले लिएको छ ।
महोत्सवमा नेपाल तथा अन्य देशका समेत शैक्षिक,आर्थिक,सामाजिक तथा विभिन्न बिषय र क्षेत्रका विज्ञहरू बीच बहस र छलफल,अन्तरक्रिया समेत गरिने भएकाले सबैका लागि उपलब्धिमूलक बन्ने महोत्सव प्रचार–प्रसार समितिका सह –सयोजक पुरोषतम दाहालले बताउनुभयो ।
देशभरबाट पुस्तक तथा शैक्षिक सामग्रीसँग जोडिएका २ हजार भन्दा बढी व्यवसायी र विदेशबाट एक सयभन्दा बढी अतिथिहरु सहभागि हुने र एक दर्जन भन्द बढि देशका प्रकाशकहररूले प्रर्दशनीमा सहभागिता जनाउने महासंघका उपाध्यक्ष नारायण श्रेष्ठले बताउनुभयो ।
यो बारेमा तपाईको प्रतिकृया