मन्थली,५ माघ । घिमिरे बन्धु राष्ट्रिय प्रतिष्ठान रामेछाप शाखमा नविन घिमिरे निर्विरोध निर्बाचित भएका छन् । शनिवार सम्पन्न उक्त प्रतिष्ठानको पहिलो अधिबेशनले उनी सहित १६ सदस्यीय नयाँ कार्यसमिति निर्बिरोध निर्वाचित गरेको हो ।
यसरी नयाँ निर्बाचित हुनेहरुमा उपाध्यक्ष(महिला) अन्जु घिमिरे, उपाध्यक्ष (खुल्ला) मा दामोदर घिमिरे, सचिब र सह–सचिबमा क्रमशःसुन्दर घिमिरे र बेद कुमार घिमिरे, कोषाध्यक्षमा सुन्दर घिमिरे र सदस्यहरुमा क्रमशः बिनोद घिमिरे, दुर्गा बहादुर घिमिरे, रन्जु घिमिरे, अप्सरा घिमिरे, सिवजी घिमिरे, डेरदेव घिमिरे, सरस्वती घिमिरे, विनोद घिमिरे र रन्जु घिमिरे,द्रोण घिमिरे र यसोदा घिमिरे रहेका छन् ।
अधिबेशनको उद्घाटन प्रतिनिधि सभाका सभामुख बेदराज घिमिरेले गर्नुभएको थियो ।
को हुन् नबिन घिमिरे ?
रामेछापको गोकुलगंगा गाँउपालिका वडा नं ४ बेलाली हलुवामा बुवा प्रेम कुमार घिमिरे र आमा गोपी घिमिरेको माइलाे सुपुत्रका रुपमा २०३९ सालमा जन्मिएका घिमिरेले २०५५ सालमा बेतालीमा रहेको श्री जनजागृति मावि बाट एस.एल.सी ( हालको एस.इ.इ ) पास गरे ।
उच्च शिक्षा अध्ययनको शिलशिलामा २०५७ सालमा जिल्ला सदरमुकाम मन्थली झरेर नेपाल शिक्षक संघमा कार्यालय सचिबको रुपमा काम गरेका घिमिरे २÷३ महिना भित्रै जिल्ला स्तरीय परीक्षा समितिको ब्यवस्थापको जिम्मेवारी लिइ त्यहि वेला कक्षा ११,१२ हुँदै वि एड सम्म अध्ययन गर्दा मन्थली मावि परिसरमा रहेको सरस्वतीको मन्दिरमा पुजारीको भूमिकामा २०५७ देखि २०६२ साल सम्म रहे ।
कमाउदै पढ्दै गर्ने अबसरको खोजी गर्ने क्रममा २०५८ सालमा रामेछाप उद्योग बाणिज्य संघको कार्यालय सचिबका रुपमा प्रवेश गरेका घिमिरे हाल कार्यकारी अधिकृतको भुमिकामा छन् ।
२०६० सालमा मन्थली क्याम्पसको संस्थापक स्वतन्त्र विद्यार्थी यूनियनमा सह– सचिब पदमा नेविसंघको तर्फबाट टिकट प्राप्त गरेर चुनावमा होमिएका घिमिरेले अध्याधिक बहुमत ल्याई बिजयी भए ।
सोहि क्याम्पस बाट नै मानविकी संकायमा स्नातक र शिक्षा संकायमा पनि स्नातक र स्नातकोत्तर उत्रीर्ण गरेका घिमिरेले त्रिभुवन विश्व विद्यालय बाट नेपाली विषयमा एम फिल गरेका छन् ।
सानैदेखि पत्रकारीता , साहित्य र समाजसेवामा रुचि राख्ने घिमिरे विक्रम सम्बत २०६५ सालमा र २०७० सालमा गरी २ कार्यकाल पत्रकार महासंघको कोषाध्यक्षको भुमिका मा रहे । उनी २०६८ सालमा अनौपचारीक साहित्यीक मञ्च रामेछापको महासचिबको भुमिकामा पनि थिए । उनका छाडि गएछि गजल संग्रह (२०६५) र रोएनन् फुलहरु कविता संग्रह (२०६६) प्रकाशित छन् ।
२०७६ सालमा जिल्ला बचत संघ रामेछापमा महासचिबको जिम्मेवारी पुरा गरेका घिमिरे २०७९ देखि हाल सम्म उपाध्यक्षको भुमिकामा छन् । २०७८ साल देखि जिल्ला सहकारी संघ रामेछापमामा सचिब र सोही साल देखिनै मन्थली वचत तथा ऋण सहकारी संस्थाकाे सञ्चालक समितिको सदस्यको भुमिका पनि छन् ।
त्यति मात्र हैन उनी अहिले मन्थली सहिद स्मृति वहुमुखी क्याम्पसको सञ्चालक समितिको सदस्य हुन् भने
२०७९ सालमा बिश्व हिन्दु महासंघ रामेछापकोे तदर्थ समितिको सचिबको समेत भुमिका निर्वाह गरिसकेका घिमिरेले दर्जानौ सम्मान तथा पुरस्कार प्राप्त गरेका छन् ।
उनले सन् २००३ मा पर्यटन बोर्ड काठमाण्डौंले आयोजना गरेको चौथो राष्ट्रिय निबन्ध प्रतियोगिता मा तृतिय पुरस्कार, रामेछाप– दोलखा जिल्लास्तरीय खुल्ला गजल वाचन प्रतियोगिता–२०६४ मा प्रथम पुरस्कार पनि प्राप्त गरेमा छन् ।
त्यसैगरी मन्थलीमा आयोजित खुल्ला लोकदोहरी प्रतियोगिता–२०६१ मा द्वितिय पुरस्कार, तामाकोशी पुस्तकालयले–२०६० सालमा आयोजना गरेको खुल्ला कविता वाचन प्रतियोगितामा द्वितिय पुरस्कार प्राप्त गरेका छन भने रामेछाप उद्योग बाणिज्य संघ बाट–२०६५ र २०७३ सालमा क्रमश उत्कृष्ठ कर्मचारी र उत्कृष्ठ कार्यसम्पादन अवार्ड बाट पनि सम्मानित भैसकेका छन् ।
त्यसैगरी युवा तथा खेलकुद मन्त्रालयले २०६९ मा आयोजना गरेका राष्ट्रब्यापी कविता प्रतियोगितामा सान्त्वना पुरस्कार , रामेछाप महिला उद्यमी संघ बाट २०७७ सालमा सम्मान प्राप्त गरेका घिमिरेले बि.एड. दोस्रो वर्ष र चौथो वर्षका लागि नेपाली भाषा बिज्ञान तथा नेपाली भाषा र अनुसन्धान विधि पुस्तकको संयुक्त लेखन गरेका छन् ।
अहिले अक्षता राष्ट्रिय दैनिकको सम्पादकको भुमिकामा समेत रहेका घिमिरे शनिवार बाट घिमिरे बन्धु राष्ट्रिय प्रतिष्ठान रामेछाप शाखाको अध्यक्षमा निर्वाचित भएका हुन् ।
यो बारेमा तपाईको प्रतिकृया