रामेछाप– नेपाली लोक संगित क्षेत्रको इतिहासमै पहिलो पटक ठूलो पुरस्कार रासी भएको ‘आईएमई नेपाल लोक स्टार’ रियालिटी शोमा रामेछापका रामकुमार नेपालीले अदभूत प्रतिभा प्रस्तुत गर्दै लोक स्टारको २९ औं श्रृङ्खलामा सबै जर्जहरुलाई नचाएर फेरी एक पटक दर्शकहरुको मन जित्न सफल भएका छन् ।
उनले प्रत्येक शोमा गाउने गीतले उनलाई नेपाली लोक गीत संगितको हस्तीको रुपमा चिनाउदै लगेको दर्शकले मात्र हैन निर्णायकहरुले पनि पटक–पटक भनीरहेका छन् । विहिबारको प्रस्तुतिमा संगीतकार सम्भुजित बास्कोटाले रामकुमारको स्वरमा यस अघि बजारमा आएको गित गाउन दिने समेत भएका छन् । यसरी प्रत्येक शोमा रामकुमारले गीतसंगितमा हुनु पर्ने नेपाली पनलाई झल्काएर हेर्ने दर्शकको मन मात्रै जितेका छैनन् लोक स्टारको उपाधी आफ्नो हातमा पार्ने संकेत देखाइरहेका छन् ।
अघिल्लो विहिबार दरिलो प्रस्तुति देखाउँदै चौथो पटक उत्कृष्ठ बनेका नेपालीले यो हप्ता पनि अफ्नो प्रस्तुति देखाएर पाँचौ पटक उत्कृष्ठ बनेका छन् । बाँकी रहेका शोहरुमा पनि यसैगरी सबैको मन जित्दै इतिहास रच्ने दाउमा छन् नेपाली । नेपाली अहिले ६ प्रतिस्पर्धीसँग प्रतिस्पर्धा गर्दै पहिलो बनेर लोक स्टारको पहिलो उपाधी आफ्नो पोल्टोमा पार्ने लक्ष्य लक्ष्यमा रहेका छन् । उनि ३ नम्बर प्रदेशका एक्लो प्रतिस्पर्धी रहेकाले पनि उनका समर्थकले ३ नम्बर प्रदेशलाई जिताउनको लागि रामकुमारलाई भोट गर्न आग्रह गरेका छन् ।
हरेक हप्ताको बिहिबार र शुक्रबार राती ८ः ३० बजे एपी.वान एचडी. र डिशहोम रमाइलो च्यानलमा प्रसारण भइरहेको ‘आईएमई नेपाल लोक स्टार’को प्रथम पुरस्कार पचास लाख, द्वितीय पुरस्कार पच्चीस लाख र तृतीय पुरस्कार दश लाख रहेको छ ।
यो बारेमा तपाईको प्रतिकृया