रामेछाप- सामुदायिक मेलमिलापकर्ता समाज रामेछापको अध्यक्षमा फेरि हिमाल ढुङ्गेलको अध्यक्षतामा १३ सदसिय नयाँ कार्यसमिति चयन भएको छ । सोमबार सदरमुकाम मन्थलीमा भएको समाजको दोस्रो साधारणभा तथा विशेष अधिवेशनले ढुङ्गेलको अध्यक्षतामा नयाँ कार्यसमिति चयन गरेको हो ।
समितिका अध्यक्ष हिमाल ढुङ्गेलको अध्यक्षता तथा जिल्ला समन्वय समिति रामेछापका अध्यक्ष प्रेम बहादुर खड्काको प्रमुख आतिथ्यतामा भएको साधारणसभामा नयाँ कार्यसमिति चयन भएको समितिका निर्वाचित उपाध्यक्ष कुमार श्रेष्ठले जानकारी दिनुभयो । नयाँ समितिको उपाध्यक्षमा कुमार श्रेष्ठ, सचिबमा यादब प्रसाद दाहाल, सहसचिबमा निशा न्यौपाने, कोषाध्यक्षमा जोनी खड्का, सदस्यहरुमा क्रमशः पदम कुमारी श्रेष्ठ, राम बहादुर भुजेल, रिता महते, शेर बहादुर खड्का, चण्डेश सुनुवार, चण्डिका सुनुवार, पूर्ण बहादुर महत र विद्रा कुमार लामा चयन भएका छन् ।
२०६६ सालमा स्थापना भएको सामुदायिक मेलमिलापकर्ता समाज रामेछापले समुदायमा मेलमिलाप मार्फत सभ्य समाज निर्माण गर्न महत्वपूर्ण सहयोग गर्दै आएको छ ।
यो बारेमा तपाईको प्रतिकृया