रामेछापका ३२ जनाको नाम बेपत्ताको सूचीमा

रामेछाप- सशस्त्र द्वन्द्वको समयमा बेपत्ता पारिएका व्यक्तिहरुको सूची सार्वजनिक भएको छ । बेपत्ता पारिएका व्यक्तिको छानबिन आयोगले सोमबार सार्वजनिक गरेको बेपत्ताको सूचीमा २ हजार ५ सय ६ जनाको नामावली सार्वजनिक गरेको हो । आयोगले सार्वजनिक गरेको पूर्ण र आशिंक रुपमा बेपत्ता पारिएका व्यक्तिहरुको सूचीमा रामेछापका ३२ जना रहेको छन् ।

सुचीमा सबैभन्दा बढी बेपत्ताको उजुरी बर्दियाबाट २ सय ५४ जनाको परेको छ । सूची सार्वजनिक गर्दै आयोगले बेपत्ता पारिएका व्यक्तिबारे केही सूचना भए आयोगको कार्यालय ललितपूरको पुल्चोकमा वा टोल फ्री नम्बर १६६०–०१–२२१११ फोन गरेर जानकारी दिन अनुरोध समेत गरेको छ ।