रामेछाप– कोरोना भाइरसका कारण यतिबेला विश्वका अधिकासं मुलुकहरु लकडाउनमा छन् । नेपालमा पनि कोरोना भाइरसका संक्रमित बिरामी देखिएपछि भाइरस फैलिन नदिनको लागि गत चैत्र महिनाको ११ गते देखि लकडाउन गरिएको छ । सुरुमा एक हप्ताका लागि लगाईएको लकडाउन पटक–पटक समय थप्दै पाँचौ हप्ता पार गर्दा पनि कहिले खुल्ने हो अत्तोपत्तो छैन् । यसको मारमा कम आर्थिक अवस्था भएका मानिससँगै पशुचौपाया परेका छन् ।
लकडाउनको कारण उद्योग, होटल लगायतका पसलहरु नियमित बन्द हुँदा सडकमै घुमेर आफ्नो पेट भर्ने सामुदायिक कुकुरहरु भोकले छटपटिना थालेका छन् । मन्थली बजारमा रहेका होटल, पसल, घर आदिबाट निस्कने खाना खाएर पेट भर्ने कुकुरहरु भोकले छट्पटिएको देखेपछि मन्थलीका केही स्थानीय व्यवसायिहरुले बिस्कुट खुवाएर सामुदायिक कुकुर बचाउने अभियान चलाएका छन् ।
शुक्रबार विहान सुर्य गजमेर, कृष्ण लाम्गादे, एरिक बराईली लगायतका स्थानीय व्यवासयिहरुले सडकमा भोकै रहेका सामुदायिक कुकुरलाई खोजेर बिस्कुट खुवाएका हुन् ।
भोकले छटपटिएका कुकुरलाई खोजेर खाना खुवाएका युवाहरुले आफूहरुले कुनै प्रचारप्रसारका लागि नभई आफूहरुले गरेको काम सबैले देखेर मर्न लागेका कुकुलाई बचाउने चेतनाका जगाउनका लागि गरिएको बताएका छन् ।
कुकुरलाई खाना खुवाउने अभियान चलाएका अभियान्ताहरुले लकडाउनले सडकमा भोकै रहेका सामुदायिक कुकुर लागयत अन्य छाडा छोडिएका पशुचौपायालाई बचाउनका लागि आफ्नो घरआगनमा आएका पशुचौपायालाई खाना खुवाउन अनुरोध गर्दै पशुचौपाया बचाउने अभियानमा जुट्न आग्रह गरेका छन् ।
यो बारेमा तपाईको प्रतिकृया