रामेछाप । जिल्ला संकट ब्यवस्थापन केन्द्र रामेछापले आइतबार शिद्धेश्वर माबि बाम्तीमा रहेको क्वारेन्टाइन र लिखु खोलामा निर्माणाधिन लिखु १,२ र ए जलबिद्युत आयोजनाको अवलोकन गरेको छ ।
संकट ब्यवस्थापन केन्द्रकी संयोजक एबं प्रमुख जिल्ला अधिकारी रुद्रादेबी शर्माको नेतृत्वमा पुगेको टोलिले उक्त स्थानहरुको अवलोकन गर्नुका साथै जलबिद्युत आयोजनाका पदाधिकारीहरु सँग अन्तरकृया गरेको थियो ।
सो अबसरमा जलबिद्युत आयोजना सँग जिल्लाको टोलिमा सम्लग्न सदस्यहरुले यस अघि स्थानीय बासी र पालिका सँगको आपसी बिवादका लगाएतका अन्य बिषयबस्तुका वारेमा जिज्ञासा राखेका थिए ।
कार्यक्रमका अबसरमा प्रमुख जिल्ला अधिकारी रुद्रादेवी शर्माले स्थानीइ ब्यक्ति र निकाय कसैको पनि विबाद नआउने गरी काम गर्न र कोभिड–१९ का बेला आयोजना भित्रका कर्मचारीहरुको मात्र गर्ने गरिएको पि सि आर परिक्षण बिना इजाजत नगर्न निर्देशन दिनुभयो ।
सो अबसरमा बोल्दै उक्त आयोजनाका सल्लाहकार समितिका अध्यक्ष डिल्लीराम गिरीले पालिका सँग यस अघि १९ बूँदै सम्झौता भइसकेको हुँदा स्थानीय नागरिक र पालिकासँगको समन्वयमानै काम भैरहेको एबं पिसिआर परिक्षण का लागि भक्तपुरमा रहेको कोरियन अस्पतालसँग सम्झौता भइ काम गरिएको भएपनि थप ब्यवस्थापन तथा अनुमतिको प्रकृया सोलुखुम्बु जिल्लाबाट भैरहेको बताउनु भयो ।
दुगर्ड ग्रुपले रामेछाप जिल्लाको सिमाना भएर बग्ने लिखु खोलामा लिखु–ए बाट २९। ८, लिखु–१ बाट ७७ र लिखु–२ बाट ५२ मेघावाट गरी ३ वटा आयोजनाहरुको काम सञ्चालन गरिरहेको छ ।
नेपाल बिद्युत प्राधिकरणसँग बिद्युत खरिद सम्झौता गरिसकेको यी आयोजना मध्ये लिखु–ए को ९० प्रतिशत, लिखु–१ को ४० प्रतिशत र लिखु–२ को ६० प्रतिशत काम सम्पन्न भैसकेको आयोजनाले जनाएको छ ।
यो बारेमा तपाईको प्रतिकृया