रामेछाप । जिल्लाको लिखु तामाकोसी गाउपालिकाको सातौं गाँउ सभा तथा आर्थिक बर्ष २०७७-७८ को बार्षिक नीति तथा कार्यक्रम सार्बजनिकीकरण सोमवार एक समारोहका बिच सम्पन्न भएको छ ।
पालिकाकी कार्यबाहक अध्यक्ष दिपशिखा दाहालको अध्यक्षता मा संम्पन्न उक्त गाउसभाको उद्घाटन संघिय सांसद श्याम कुमार श्रेष्ठले गर्नुृभएको थियो ।
कार्यक्रमका अबसरमा बोल्दै कार्यवाहक अध्यक्ष दाहालले पालिकाको सबै वडामा समानुपातिक ढंगले बजेट बिनियोजन गरेको बताउनुभयो । उहाले चालु आ ब मा खर्च गर्ने गरी २ कारोड पालिकाको भवन निर्माण र २ करोड पालिकामा १५ शैयाको सुबिधा सम्पन्न अस्पताल निर्माणका लागि खर्च गरिने बताउनुभयो ।
चालु आर्थिक बर्षमा प्रक्षेपण गरिएको आम्दानी र खर्चका बारेमा संक्षिप्त जानकारी दिदै शिर्षकगत र बिषयत खर्चहरुका बारेमा पुन कार्यपालिकाको बैठक बसी निर्णय गरिनेपनि बताउनुभयो।
सो अबसरमा वडा नं ७ का अध्यक्ष एबं कार्यपालिका सदस्य सुबास बोहोराले पालिकाले तय गरेको आर्थिक निति का बारेमा पनि सार्बजनिक गर्नुभएको थियो ।
कार्यक्रमका अबसरमा बोल्दै संघिय सांसद श्याम कुमार श्रेष्ठले ३ बर्ष पछि बिकासको गति लिन लागेको यस पालिकालाई आबश्यक पर्ने बजेट संघिय सरकार बाट पनि पठाउने प्रतिबद्धता ब्यक्त गर्नुभयो । उहाँले देशभरका सबै पालिका मध्ये यो पालिकाले नमुना काम गरेर देखाउन आग्रह गर्नुभयो ।
सो कार्यक्रमका अबसरमा बोल्दै पूर्ब सांसद देबशंकर पौडेलले जननिर्बाचित प्रतिनिधि र पार्टिका कार्यकर्ताहरु भ्रष्ट नभइ इमान्दार तरिकाले काम गर्नुपर्ने कुरालाई जोड दिनुभयो । उहाले पालिका भित्र आर्थिक अपचलन भएको भन्ने जनगुनासो नआउने गरी इमान्दारी पूर्बक काम गर्न अनुरोध गर्दै कर्मचारीहरुले निति र बिधि भन्दा बाहिर गएर काम नगर्न पनि अनुरोध गर्नुभयो ।
त्यसैगरी संबिधान सभाका सभाषद तारानारायण श्रेष्ठले अब यो पालिकाले बिकास निर्माणमा फड्को मार्ने भन्दै बिकास का कामगर्ने राम्रो अबसर प्राप्त भएकाले अबसरलाई सदुपयोग गर्न पालिकाका जिम्मेवार ब्यक्तिहरुलाई अनुरोध गर्नुभयो ।
प्रदेश सांसाद शान्ति प्रसाद पौडेलले पालिका लाई सबैले मिलेर राम्रो वनाउने तर्फ लाग्नु पर्ने र त्यसका लागि प्रदेश सरकारबाट गर्नुपर्ने सहयोग गर्न आफु तत्पर रहेको बताउनुभयो ।
सो अबसरमा ने क पा का नेता मुकुन्द कडरिया, नेपाली काँग्रेंस लिखु तामाकोशी गाउपालिकाका संयोजक योगेश्वगर तिमिल्सीना र नेपाल पत्रकार महासंघ रामेछापका अध्यक्ष रमेश ढुंगेल लगाएतले आ–आफ्नो मन्तब्य राख्नु भएकोथियो ।
यो बारेमा तपाईको प्रतिकृया