रामेछाप । रामेछाप जिल्लाको खाँडादेवी गाउँपालिकामा कार्यरत एक कर्मचारीमा कोरोना संक्रमण पुष्टि भएको छ ।
खाँडादेवी गाउँपालिका वडा नम्बर ७ घर भएका २५ वर्षका कर्मचारीमा शनिवार कोरोना संक्रमण पुष्टी भएको हो । कोरोना संक्रमति कर्मचारी होम आईसोलेसनमै बसेको स्वास्थ्य कार्यालय रामेछापका जनस्वास्थ्य अधिकृत भुवन थापाले जानकारी दिनुभयो । असोज २१ गते गाउँपालिकाबाट २८ जनाको स्वाब संकलन गरि पिसिआर परीक्षणका लागि पठाइएकोमा १ जनाको रिपोर्ट पोजेटिभ आएको छ भने अरु सबैको रिपोर्ट नेगेटिभ आएको जनस्वास्थ्य अधिकृत थापाले जानकारी दिनुभयो । यसैबिच खाँडादेवी गाउँपालिकाको कार्यालय ५ दिनको लागि बन्द गरिएको छ । कन्ट्याक ट्रेसिङ को लागि पाँच दिन कार्यालय बन्द गरिएको गाउँपालिकाका अध्यक्ष प्रेमबहादुर तामाङले जानकारी दिनुभयो ।
उनी सगै जिल्लामा कोरोना संक्रमितको संख्या २ सय १३ पुगेको छ । जिल्लाबाटै पिसिआर परीक्षणका लागि पठाइएका १ सय ३ जनामा कोरोना पुष्टि भएको छ भने जिल्ला बाहिर स्वाब परीक्षण गरिएका तर रामेछाप स्थायी घर भएका १ सय १० जना गरी हालसम्म २ सय १३ जनामा कोरोना संक्रमण देखिएको छ । जिल्लाबाट पिसिआर परीक्षणका लागि स्वाब संकलन गरि पठाइएकाहरु मध्ये १ सय ३ जनामा कोरोना पुष्टि भएको छ भने जिल्ला बाहिर स्वाब परीक्षण गरिएका तर रामेछाप स्थायी घर भएका १ सय १० जनामा गरी रामेछापका हालसम्म २ सय १३ जनामा कोरोना संक्रमण देखिएको स्वास्थ्य कार्यालयले जानकारी दिएको छ । रामेछाप जिल्लामा हाल सम्म १ हजार८ सय ६० जनाको पीसीआर विधिबाट कोरोना को परीक्षण गरिएको छ ।
यि मध्ये १ हजार ५ सय ८२ जनाको रिपोर्ट नेगेटिभ आएको छ भने १ सय ३ जनाको रिपोर्ट पोजेटिभ आएको हो । कार्यालयका अनुसार अझै १ सय ७५ जनाको रिपोर्ट आउन बाँकी रहेको छ । जिल्लामा विभिन्न समयमा कोरोना संक्रमण पुष्टि भएका ३६ जनाको भने उपचार भईरहेको छ । यसै बिच रामेछाप जिल्लाको विभिन्न पालिकाहरुमा हाल सम्म ३५ जना क्वारेन्टिनमा रहेका छन । ३ जना महिला र ३२ जना पुरुष गरी ३५ जना क्वारेन्टिनमा रहेको स्वास्थ्य कार्यालय रामेछापले जनाएको छ । हाल सम्म जिल्लामा १ सय ८ बेडको आइसोलेशन कक्ष र ४ सय ९० बेडको क्वारेन्टिन कक्ष स्थापना गरिएको जिल्ला संकट ब्यवस्थापन केन्द्र ले जानकारी दिएको छ ।
यो बारेमा तपाईको प्रतिकृया