रामेछाप । सामुदायिक विकास समाजले कोभिड–१९ विरुद्घको चेतना अभियान लिएर गाउँ गाउँमा पुग्ने भएको छ ।
आफ्नो स्थापना कालदेखिनै समुदाय स्तरमा सचेतना जागरण,सरसफाई ,खानेपानी,स्वास्थ्य र शिक्षाको क्षेत्रमा काम गर्दे आएको यस संस्थाले विश्वब्यापि रुपमा फैलिएको कोरोनाको महामारी समुदाय स्तरमा फैलने क्रमले तिब्रता पाएसंगै सिडिएसले आफनो अभियानलाई सक्रमण फैलन नदिने सामग्री सहित त्यस तर्फ लैजान लागेको हो ।
संस्थाले यस अभियान अन्तर्गत खाँडादेवी गाउँपालिकाका ३ वटा र सुनापति गाउँपालिकाका २ बटा वडाको ५६ वटा समुहमा कोरोना विरुद्घ सचेतिकरण कार्यक्रम र माक्स तथा साबुन वितरण गर्ने निर्णय गरेको संस्थाका कार्यकारी निर्देशक मिलन कुमार घिसिङले बताउनुभयो ।
माक्स र साबुन संगै संस्थाले आफना समुदायको घरमा हात धुनको लागि धाराको समेत ब्यवस्था गर्ने भएको छ ।
अझै पनि समुदायमा कोरोना विरुद्धको सचेतना कमि भएकोले त्यसको थप ब्यवस्थापन र ब्यबहारिक प्रयोजनका लागि संस्थाले दशै सकिने बित्तिकै सचेतिकरण कार्यक्रम संगै आफ्नो अगुवाइमा गठन भएका ५६ वटा समुहका १ हजार ८ सय महिला सदस्यहरुका लागि प्रति ब्यक्ति ६ वटा माक्स र ६ वटा हातधुने साबुन कोशेलि स्वरुप उपहार दिन लागेको घिसिङले बताउनुभयो ।
संस्थाको सहजिकरणमा गठन भएका समुहहरु सबैमा महिला मात्र सहभागि हुने र परिवार र समाज विकासमा महिलाको भूमिका अग्रणि हुने भएकोले पनि आफ्नो कार्यक्षेत्र भित्रका समुह र समुदायमा अभियानकै रुपमा कार्यक्रम गर्न लागिएको जनाइएको छ ।
उक्त अभियान सञ्चालन गर्न स्थानीय जनप्रतिनीधिहरु सँग समेत समन्वय गरिने संस्थाले जनाएको छ ।
यो बारेमा तपाईको प्रतिकृया