रामेछाप कात्तिक १८ । जिल्ला ट्राफिक प्रहरी कार्यालय रामेछापले बढि भाडा लिनेर यात्रु छाड्ने खाँडादेवी यातायातको बसलाई कार्वाहि गरेको छ ।
टिकट लिएर बसेका ६ जना यात्रीहरुलाई छाडेर गएको र तोकिएको भन्दा बढि भाडा लिएको भन्दै प्रहरीले खाँडादेवी यातायातको बा ३ ख ९७५२ यात्रुवाहक वसलाई कार्वाहि गरेको हो ।
सोमबार मन्थली बाट गाल्बा जानका लागि सुनापति गाँउपालिका–२ का केशर बहादुर तमाङको टोलिले खाँडादेवी यातायात सेवा समितिको काउन्टर बााट प्रति ब्यक्ति रु ३ सय का दरले ६ जनाका लागि छुट्टा छुट्टै टिकट लिएका थिए ।
जिल्ला प्रशासन कार्यालय रामेछापमा नागरिकता बनाउने लगाएतका अन्य काममा ब्यस्त रहेका तमाङको टोलीले आफ्नो काम चाडै नसकिने भएपछि टिकट फिर्ताका लागि काउन्टरमा गइ आग्रह गरेका थिए । तर काउन्टर इन्चार्ज भुवन खत्रीले टिकट फिर्ता लिन नमानेको बरु काम नसकुन्जेल सम्म बस लाई कुर्न लगाइदिन्छु भनेको तामाङले बताए ।
उनले काम सकेर ४ बजे काउन्टरमा सम्पर्क गर्दा बस छुटिसकेको जानकारी पाएपछि देवकोटा चोकमा डिउटिमा रहेको प्रहरीलाई टिकट देखाएर मौखिक उजुरी गरेका थिए ।
उक्त बसलाई मंगलबार जिल्ला ट्राफिक प्रहरी कार्यालयले उनीहरुले तिरेको भाडा रु १ हजार ८ सय फिर्ता गराई बढि भाडा लिएको र टिकट काटेर गएको यात्रुलाई छाडेकोमा रु २ हजार जरिवाना समेत गरेको जिल्ला ट्राफिक प्रहरी प्रमुख रामेश्वर पाण्डेले बताउनुभयो ।
आफ्नो यातातात सेवा समितिका बसहरु गाल्वा सम्म पुर्ब निर्धारित भाडा दर रु २ सय २० मा पठाउने गरिएको हुदा अरु यातायातका बसहरुले पनि बढि भाडा लिन नपाउने पूर्व अरनिको यातायात सेवा समिति रामेछापका इन्चार्ज सुवास फुयाल बताउनुहुन्छ ।
यो बारेमा तपाईको प्रतिकृया