रामेछाप २६ कार्तिक । रामेछाप जिल्लाको मन्थली नगरपालिका वडा नं–२ स्थित शोतिमा भएको कन्टेनर दुर्घटनामा परि चालकको मृत्यू भएको छ ।
दोलखा बाट ओखलढुंगा हिडेको युनाइटेड सप्लायर्स ओखलढुंगाको प्रदेश– ३ –०१–००६ ख ३२० नंम्बरको मालवाहक कन्टेनर दुर्घटना हुँदा उदयपुर कटारी वडा नं –४ का ३२ बर्षिय चालक प्रदिप कार्कीको मृत्यू भएको हो ।
जिल्ला प्रहरी कार्यालय रामेछापका प्रबक्ता शंकर श्रेष्ठका अनुसार– कोल्ड ड्रिङ्क्स र तरकारी बोकेर हिडेको उक्त कन्टेनर मंगलबार राति करिब १२ बजे को समयमा दुर्घटनको जानकारी पाएपछि घटनास्थलबाट चालक कार्कीलाई उद्धार गरी मन्थली स्थित तामाकोशी अस्पतालमा उपचारका लागि लगिएको भएपनि बिहानीपख २ः३० बजे अस्पतालले मृत घोषणा गरेको थियो । उहाँले चालक मात्र फेला परेको उक्त गाडि सडकबाट करिब ५० मिटर तल खसेको बताउनुभयो ।
यो बारेमा तपाईको प्रतिकृया