तिहारमा देउसी भैलो खेल्न नपाइने

रामेछाप २७ कार्तिक । जिल्ला प्रशासन कार्यालय रामेछापले यस वर्षको देउसी भैलो संगै जुवा, तास खेल्ने कार्यमा रोक लगाएको छ ।
कोरोना संक्रमणको महामारी समुदाय स्तरमा प्रवेश गर्ने क्रम दैनिक रुपमा बढ्दै गइरहेकोले त्यसलाई न्युनिकरण गर्नका लागि प्रशासनले यस बर्षको तिहारमा देउसी, भैलो तथा जुवा,तास एबं छठ पर्व लक्षित सबै खालका कृयाकलापमा रोक लगाएको हो ।
बुधबार प्रमुख जिल्ला अधिकारी रुद्रादेवी शर्माको अध्यक्षतामा बसेको जिल्ला सुरक्षा समितिको बैठकले स्थानीय प्रशासन ऐन –२०२८ तथा संक्रामक रोेग ऐन –२०२० को आधारमा तिहार र छठ पर्वलाई लक्षित गरि उक्त निर्णय गरिएको प्रशासनले जनाएको छ । जिल्ला प्रशासनले एक सूचना जारी गरी तिहार र छठ लगाएतका सवै पर्व मा देउसी भैलो , जुवा तासमा प्रतिबन्ध गरि सर्बसाधारणलाई अन्यत्र आओत जाओत नगरी आ–आफनो घर मै वसेर चार्डपर्व मनाउन अनुरोध गरेको छ ।
त्यसैगरी प्रजिअ शर्माद्धारा हस्तक्षरित सूचनामा जिल्लाभर कुनैपनि मठ मन्दिरमा सामुहिक पुजा आजा,तथा धार्मिक कार्य ,जात्रा,महोत्सब,सांस्कृतिक कार्यक्रम तथा मानिस जमघटको कार्यक्रम गर्न समेत रोक लगाइएको जनाइएको छ ।