रामेछाप, ११ पुष । रामेछापको मन्थलीमा सम्पन्न जेसिजको छैटौ जिल्ला अधिवेशनले सन् २०२१ का लागि जीवन कार्कीको नेतृत्वमा नयाँ कार्य समिति निर्वाचित गरेको छ ।
अध्यक्ष पदका लागि भएको मतदानमा २१ मत प्राप्त गरी कार्की निर्बाचित हुनुभएको हो भने अध्यक्षका अर्का प्रत्यासी रामकुमार बस्नेतले १७ मत प्राप्त गर्नु भएको थियो ।जेसिज रामेछापका कुल ४१ सदस्यहरू मध्ये ३८ मत मात्र खसेको थियो ।
यसरी नव निर्वाचित कार्यसमितिमा रहनेहरूमा कार्यकारी उपाध्यक्ष द्वय सरस्वती राय र प्रज्वल बुढाथोकी हुनुहुन्छ भने उपाध्यक्षहरुमा क्रमश धिरज खत्री,संगिता श्रेष्ठ,कुमार श्रेष्ठ र सन्तोष भट्टराई रहनु भएको छ । उहाँहरू भने निर्विरोध निर्बाचित हुनु भएको हो । विधान अनुसार अध्यक्षले मनोनित गर्न पाउने महासचिव र कानूनी सल्लाहकारमा क्रमश सन्तोष खत्री र रामहरी सापकोटालाई पनि शनिवार नै मनोनित गरिएको नवनिर्बाचित अध्यक्ष कार्कीले वताउनुभयो ।
जेसिज २०२० का अध्यक्ष गोपाल खड्काको अध्यक्षतामा सम्पन्न कार्यक्रमको उद्घाटन मन्थली शहिद स्मृति वहुमुखी क्याम्पसका पूर्व क्याम्पस प्रमुख गुञ्ज बहादुर श्रेष्ठले गर्नु भएको थियो ।
सो अवसरमा जेसिजका पूर्ब अध्यक्षहरु क्रमश भिमसेन बस्नेत, जनक लामा, प्रदिप कुमार बस्नेत, गुण राज भट्टराई (आकाश), र रामहरी केशी लगायतले आ–आफ्नो मन्तब्य राख्नु भएको थियो ।
जेसिजले विगतका वर्षहरू देखिनै जिल्लामा बिभिन्न किसिमका सामाजिक कामहरू गर्दै आइरहेको छ ।
यो बारेमा तपाईको प्रतिकृया