रामेछाप, १ बैशाख । रामेछाप जिल्लाको रामेछाप नगरपालिका वडा नं ७ मा निर्माण भएको कालिकुवा डिप वोरिङ लिफ्ट खानेपानी योजनाको वुधवार एक समारोहका विच उद्घाटन गरिएको छ ।
उक्त योजनाका उपभोक्ता समितिका अध्यक्ष लक्ष्मी कार्कीको अध्यक्षतामा सम्पन्न उक्त आयोजनाको उद्घाटन रामेछाप नगरपालिकाका नगर प्रमुख नर वहादुर थापामगरले गर्नु भएको थियो । नगरपालिकाको आर्थिक सहयोगमा निर्माण कार्य सम्पन्न भएको उक्त अयोजना का लागि १ करोड १२ लाख ५६ हजार ७ सय २६ रुपैया खर्च भएको जानकारी गराइएको थियो ।
सो अवसरमा नेपाल पत्रकार महासंघका पूर्ब अध्यक्ष टिका प्रसाद भट्ट, वर्तमान अध्यक्ष वद्री नयाँघरे, सामाुदायि वन उपभोक्ता समितिका केन्द्रीइ सदस्य ढाल विक्रम कार्की, वडा अध्यक्ष समिर कार्की, नगरपालिकाकी उप प्रमुख सृजना खड्का, प्रमुख अतिथि एबं रामेछाप नगरपालिकाका नगर प्रमुख नर वहादुर थापामगर लगाएतले वोल्नु भएको थियो ।
नगर प्रमुख थापामगरले पहाडी क्षेत्रमा डिप वोरिङ सफल हुने नहुने टुंगो नलागी ज्यादै जोखिमपूर्ण ढंगवाट सुरु गरिएको यो आयोजना सम्पन्न हुँदा आफुलाई ज्यादै खुसी लागेको वताउनु भयो सो अवसरमा नेपाल पत्रकार महासंघका नव निर्वाचित पत्रकारहरुलाई स्वागत एबं सम्मान पनि गरिएको थियो ।
यो बारेमा तपाईको प्रतिकृया