रामेछाप,२ बैशाख । रामेछाप जिल्लामा सम्वन्ध विच्छेद गर्नेहरूको संख्या बढ्दै गएको छ । चालु आर्थिक वर्षको साउन महिना देखि हाल सम्म जिल्ला अदालत रामेछापमा १ सय ३५ वटा सम्वन्ध विच्छेदका मुद्धाहरू दायर भएसँगै यसको संख्या बुद्धि हुदै जान लागेको हो । समाजमा बढ्दो वेमेल विवाह,कम उमेरमा हुनेगरेको प्रेम विवाह आदिका कारणले संम्वन्ध विच्छेदका मुद्धाको संख्यामा उल्लेखय बृद्धि भएको जिल्ला अदालतले जनाएको छ । अदालतले विहिबार कार्यालयमा पत्रकार सम्मेलनको आयोजना गरी उक्त तथ्याङ्क सार्वजनिक गरेको हो ।
जिल्ला अदालतले दिएको जानकारी अनुसार यहि साउन देखि बैशाख २ गते सम्म आईपुग्दा अदालतमा कुल ३ सय ९५ वटा मुद्धा दायर भईसकेका र त्यसमध्ये २ सय ११ वटा मुद्धा फर्छयौट भई सकेका र फर्छयौट हुन बाँकि १ सय ८४ मुद्धा रहेका छन् । त्यसमध्ये संम्बन्ध विच्छेद सम्बन्धि १ सय ३५ वटा मुद्धा रहेकामा ९४ वटा फर्छयौट भएका र ४१ मुद्धा फैसला हुन बाँकी रहेका छन् । त्यस्तै ३५ वटा जर्बजस्ती करणीका मुद्धा मध्ये १६ मुद्धा फर्छयौट भईसकेका र १९ मुद्धा बाँकि रहेका छन । त्यस बाहेक यौन दुर्वेबहारका ४४ वटा मुद्धा रहेका छन् ।
त्यस्तै कैद भुक्तान हुन बाँकि दिन ५ सय २ बर्ष ९ महिना २२ दिन मध्ये २ सय १२ वर्ष २ महिना १९ दिन फर्छयौट भईसकेको र कुल २ सय ८९ बर्ष ६ महिना २३ दिन फर्छयौट हुन बाँकि रहेको पनि अदालतले जनाएको छ । यसैगरी जरिवाना तर्फ ११ करोड २८ लाख ६ सय ३४ रुपैयाँ मध्य २५ लाख ६७ हजार ८ सय २० रुपैया जरिवाना असुल उपर हुँदा कुल ११ करोड २८ लाख ६ सय ३४ जरिवाना लगत मध्ये २५ लाख ६७ हजार ८ सय २० फर्छयौट भई ११ करोड २ लाख ३४ हजार ८ सय १४ फर्छयौट हुन बाँकि रहेको पनि सो अबसरमा जानकारी गराईएको थियो ।
पत्रकार भेटघाट कार्यक्रममा जिल्ला न्यायधिस मोहन राज भट्टराईले अदालतबाट हुने विभिन्न खालका मुद्धा,तिनको फर्छयौट तथा अन्य गतिविधिका बारेमा मिडियाहरूमा कम आउने गरेको बताउदै आफुले अदालतलाई मिडियामैत्री बनाउन चाहेकोले सहयोगका लागि आग्रह गर्नुभयो । कार्यक्रममा अदालतका श्रेष्तेदार राम प्रसाद पौडेल र जिल्ला न्यायधिबक्ता यदुनाथ शर्माले संचारकर्मीहरूले राखेको जिज्ञासाको जबाफ दिनुभएको थियो ।
यो बारेमा तपाईको प्रतिकृया