पाकेटमार महिला प्रहरीको फन्दामा

रामेछाप,४ बैशाख । पाकेट मार्ने काममा संलग्न हुँदै आएकी एक जना महिला प्रहरीको फन्दामा परेकी छिन् ।
उनी मन्थलीबाट रङ्गेहात पक्राउ परेकि हुन् । विहिबार अर्काको गोजीबाट पाकेट मार्दै गर्दा प्रक्राउ परेकी हुन् ।
केहि महिना देखि बाटामा उभिएर अर्काको मोटर साईकलमा चालक संग लिफट माग्दै पछाडिबाट पाकेट मार्ने काममा संलग्न हुँदै आएकी मन्थली नगरपालिका वडा नं –६ मसानटारकि २१ बर्षिय लक्ष्मी भुजेललाई लिफ्ट दिने क्रममा एक पुरुषले आफनो पाकेट मारिको थाहा पाएपछि प्रहरीमा उजुरी दिएका थिए । सोहि उजुरीका आधारमा पक्राउ परेकी भुजेलको साथ बाट पाकेट मारेको रकम २३ हजार ५ सय रुपैयाँ समेत बरामद गरिएको जिल्ला प्रहरी कार्यालय रामेछापले जनाएको छ ।
रामेछाप प्रहरी प्रवक्ता श्री शंकर श्रेष्टले पक्राउ परेकी महिला बाट बरामद रकम पाकेट मारेको स्वीकार समेत गरिसकेकोले उनलाई मुलुकी संहित अनुसार कार्बाहि गर्न सुरु गरिएको जानकारी दिनु भयो ।