रामेछाप,४बैशाख । ब्रह्माकुमारी राजयोग सेवा केन्द्रको आयोजनामा शनिवार राजयोग ध्यानद्वारा महिला सशक्तिकरण कार्यक्रम मन्थलीमा सम्पन्न भएको छ ।
रामेछाप विजनेश एण्ड प्रोफेसनल वमेन (आर विपी डब्लु) र रामेछाप महिला उद्यमी संघको सहयोगमा सम्पन्न उक्त कार्यक्रमको उद्घाटन ब्रह्माकुमारी राजयोग सेवा केन्द्र रामेछापकी प्रमुख संञ्चालिका सीता दिदीले गर्नु भएको थियो । सो अवसरमा आर वि पि डब्लु की पूर्ब अध्यक्ष धना श्रेष्ठ, नेपाल पत्रकार महासंघ वागमती प्रदेशका कोषाध्यक्ष रमेश ढुंगेल, कार्यक्रमका प्रशिक्षक एबं ब्रह्मकुमार भरत कुमार श्रेष्ठ,लगाएतले शुभकामना मन्तब्य राख्नु भएको थियो ।
उहाहरुले मानव शरिरमा बाहिर लागेको घाउ अस्पतालले निकोपार्ने र मन भित्र लागेको घाउ यस्तै राजयोग, ध्यान,नियमित ब्यायम र आध्यात्मिक चिन्तनले निकोपार्ने भएकोले यस सेवा केन्द्रको महत्व निक्कै रहेको कुरालाई जोड दिनुभयो ।
कार्यक्रममा ब्रह्मकुमार भरत कुमार श्रेष्ठ,रामहरि सुवेदी,ब्रह्मकुमारी सिता दिदी, विष्णु दिदी लगाएतले सहजीकारण गर्नु भएको थियो ।
कार्यक्रममा सरकारी निकाय र गैर सरकारी संस्थाका कृयाशिल महिलाहरूको सहभागिता रहेको थियो ।
यो बारेमा तपाईको प्रतिकृया