रामेछाप ,१२ जेठ । प्रगतिशील युवा समाज दोरम्बाले रामेछाप जिल्लाको दोरम्बा गाउँपालिकामा रहेको दोरम्बा प्राथामिक अस्पताल, दोरम्बा गाउँपालिका ६ नम्बर वडा स्थित रिष्ठे आधारभूत स्वास्थ केन्द्र को लागि अक्सिजन सहित स्वास्थ्य सामग्री हसतान्तरण गरेको छ ।
मुलुक न्यू भेरियन्ट सहितको कोभिडको महामारीमा परिरहेको वेला आफ्नो पालिकाका नागरिकहरुले अक्सिजन र स्वाास्थ्य सामाग्रीको अभावमा अकालमै ज्यान गुमउनु नपरोस भन्ने उद्देश्यले उक्त सामाग्रीहरु हस्तान्तरण गरिएको समाजसेवी एबं संस्थाका सदस्य शुसिल चौलागाँइले बताउनुभयो । उहाले वर्तमान परिस्थितिमा याे सेवा निरन्तर रहने भएकाेले सहयाेगी मन हरूलाई अझै सहयाेग गर्न पनि अनुराेध गर्नु भयाे ।
दोरम्वा गाउपालिका देश तथा विदेशमा रहनुभएका ब्यक्ति तथा अन्य सहयोगिदाताहरुवाट सहयोग संकलन गरी उक्त सामाग्रीहरु उपलब्ध गराइएको हो ।
उक्त सहयोग संकलन गर्ने क्रममा सिलिन्डरको लागि राष्ट्रिय आविष्कार केन्द्र का प्रमुख महावीर पुनले सहयोग गर्नु भएको थियो ।
यो बारेमा तपाईको प्रतिकृया