रामेछाप,१४जेठ । नेकपा एमालेका नेता तथा निर्माण ब्यवसायि रत्न गौतमले कोरोना महामारीको समयमा सर्ब साधारणका लागि सहयोग स्वरुप वितरण गरेको एक हजार थान एन्टेजिन किट राष्ट्रिय जनस्वास्थ्य प्रयोगशाला बाट प्रमाणित भएको नपाईएपछि उक्त किट प्रयोगमा रोक लगाईएको छ ।
नेता गौतमले नेकपा एमाले पार्टि रामेछाप मार्फत मंगलबार जिल्ला प्रशासन कार्यालयलाई बुझाएको उक्त किटको प्रयोग गर्ने क्रममा स्वास्थयकर्मिहरुले कम्जोरीको बारेमा कुरा उठाएपछि किटको प्रयोगमा रोक लगाईएको हो ।
गौतमले एमाले जिल्ला कमिटीका अध्यक्ष आनन्द श्रेष्ठ मार्फत अधिकांश पालिका र वडा कार्यालय सम्मका लागि भन्दै एक हजार थान एन्टिजिन किट संगै माक्स, पीपीईसेट,अक्सी मिटर लगाएतका स्वास्थ्य सामाग्रीहरु जिल्ला कोभिड ब्यवस्थापन केन्द्रका अध्यक्ष एबं प्रजिअ गौलोचन सैजुलाई हस्तान्तरण गरेको थियो । ति सामाग्री मध्ये १ हजार थान एन्टेजिन किट भने सिधै प्रशासन मार्फत सम्बन्धित पालिकामा पठाइ प्रयोगमा समेत ल्याई सकिएको थियो ।
विश्व स्वास्थ्य संगठन सहित नेपाल सरकारले मान्यत दिएको २० वटा किटको लिष्टमा नभएको समेत पाईएपछि उक्त किटको प्रयोगमा रोक लगाईएको जिल्ला स्वास्थ कार्यालयले जनाएको छ ।
जिल्ला स्वास्थ्य कार्यालयले आबश्यक अनुसन्धान पछि उक्त किट मान्यता प्राप्त नभएको पुष्टि भएकाले हाल त्यसको प्रयोगमा रोक लगाईएको जिल्ला स्वास्थ्य कार्यालयका प्रमुख जितेन्द्र कर्णले जानकारी दिनुभयो ।
यस बारेमा जिल्ला स्वास्थ कार्यालयको पनि कम्जोरी भएको भन्ने बारेमा जबाफ माग्दा कणर््ाले प्रजिअले बुझेको सामाग्रीमा समस्या नहोला भनेर आफुहरुले शंका गर्ने अबस्था नरहेको पनि बताउनुभयो । उहाले भन्नुभयो– “हुनत उक्त किटले २०७७ साल कार्तिक महिनामा आपतकालिन अवस्थामा प्रयोगका लागि अनुमति पाएको प्रमाण भेटियो । तर पछिल्लो समयमा उक्त किटले प्रयोगको लागि अनुमति पाई नसकेको अवस्थामा त्यसको ख्यालै नगरी किट प्रयोगको लागि गाउँमा पठाईएकोले समस्या आएको हो ।”
यस सम्बन्धमा नेकपा एमालेका जिल्ला अध्यक्ष आनन्द श्रेष्ठले किट्स सम्बन्धि सामान्य त्रुटि भएको स्वीकार गर्दै मान्यता प्राप्त किट पुन मगाइसकिएको र पहिला बितरण गरेको सबै ठाउमा त्यसलाई हटाएर नयाँ बितरण गरिने बताउनुभयो ।
यो बारेमा तपाईको प्रतिकृया