रामेछाप, २६ जेठ । रामेछाप जिल्लाको सुनापति गाउपालिका वडा नं ४ बेथानमा आज भएको बलेरो दुर्घटनामा परी ६ जना घाइते भएका छन् ।
बुधवार करिव १०ः३० बजेको समयमा बेथानस्थीत लोप्राङको भिरबाट ३–०१–०४२ च ५५५२ न.को बलेरो गाडी दुर्घटना हुँदा करिव ४० मिटर तल खसेको थियो ।
दुर्घटनमा परी बेथान साउने का २८ बर्षिय हिमाल श्रेष्ठ, सोहि स्थानका १८ बर्षिय रोज बहादुर श्रेष्ठ, ६९ बर्षिय चक्र ब श्रेष्ठ, २२ बर्षिय रामशरण श्रेष्ठ, १८ बर्षिय सोम ब.श्रेष्ठ र खनियापानीका २५ बर्षिय ज्ञान बहादुर श्रेष्ठ घाइते भएको प्रत्यक्षदर्शी सरस्वती रायमाझीले बताउनुभयो ।
उहाका अनुसार घाइते सबैलाई बेथान स्थित भ्वासा च्यारिटी अस्पतालमा उपचार गरी २ जनालाई थप उपचारका लागि काठमाण्डौ लगिएको छ ।
उनीहरू मध्ये हिमाल श्रेष्ठको टाउको र रोज ब.श्रेष्ठको टाउको र खुट्टामा चोट लागेर गम्भिर घाइते भएका कारण दुबैलाई थप उपचारको लागि काठमाण्डौ लगिएको र बाँकी ४ जनाको अबस्था सामान्य रहेको नेपाली काँग्रेस रामेछापका प्रवक्ता नारायण बहादुर खड्काले जानकारी दिनुभयो ।
यो बारेमा तपाईको प्रतिकृया