रामेछाप,२३ असार । नेपाली काँग्रेस लिखु तामाकोशी गाँउपालिकाकोे अगुवाइ तथा चुजी फाउन्डेसनको आर्थिक सहयोगमा सो पालिकाका ४ हजार २ सय बिपन्न घरपरिवारलाई खाद्यान्न सामाग्री सहयोग कार्यक्रम बुधवार सम्पन्न भएको छ ।
करिव ३ हप्ता लगातारको प्रयामा नेपाली काँग्रेसका १ सय भन्दा बढि कार्यकर्ताहरुको स्वयम सेवी कार्यमार्फत सो पालिकाको १ देखि ७ नं वडा सम्मका सबै (४,२००) बिपन्न घरधुरी मध्ये छुटेका केहि घरधुरीहरुलाई दोस्रो चरणमा खाद्यान्न बितरण गरिने र अधिकांस घरधुरीहरुमा वितरण गरिसकिएको नेपाली काँग्रेसका क्षेत्र नं १ का क्षेत्रिय सचिब निरोज खड्काले बताउनुभयो ।
लामो समय देखि लकडाउनका कारण चुलो वाल्न गारो परेका पालिकाभरका विपन्न नागरिकहरुलाई प्रति परिवार २५ केजी चामल,१० के जी आटा, एक÷एक किलो दाल, चना, चिनी, १ लि तेल, माक्स, सिटामल लगाएतका सामाग्रीहरु प्रत्येक वडा वडामा लगेर बितरण गरिएको नेपाली काग्रेस जिल्ला कार्य समितिका सदस्य भोजबहादुर खड्का (सुन्दर) ले जानकारी दिनुभयो ।
उक्त सामाग्रीहरु मध्ये २० हजार थान सर्जिकल माक्स रामेछाप –काठमाण्डौ सम्पर्क समितिका सदस्य सूय बहादुर श्रेष्ठ र २५ हजार पिस सिटामोल काँग्रेस नेता भोजवहादुर खड्काले उपलब्ध गराउनु भएको थियो । त्यसैगरी नेता खड्काले स्थानीय स्तरमा ढुवानी गर्न १८ दिन सम्म १३ वटा टिफर पनि निःशुल्क रुपमा उपलब्ध गराउनु भएको थियो ।
यो बारेमा तपाईको प्रतिकृया