रामेछाप १९ कार्तिक । नेपाल सम्बत ११४२ तथा न्हूँदया भिन्तुना रामेछापमा पनि विबिधि कार्यक्रम गरि मनाइएको छ । सो अवसरमा प्रभातफेरी,प्रवचन र दीप प्रज्वलन गरीएको थियो ।
नेवा खलः रामेछापको आयोजनामा उक्त कार्यक्रम सम्पन्न भएको हो । मन्थली स्थित देवकोटा चोक वाट सुरु भएको रयालीले मन्थलीबजारका विभिन्न भागहरु परिक्रमा गरी पुनः देवकोटा चोकमै आएर कोण सभा गरेको थियो ।
नेवा खलः रामेछापका अध्यक्ष शेखर मान श्रेष्ठको अध्यक्षतामा सम्पन्न उक्त कार्यक्रममा मन्थली नगरपालिका वडा नं १ का वडा अध्यक्ष नारायण दाश श्रेष्ठ,नेवा खलः रामेछापका निवर्तमान अध्यक्ष कोमल श्रेष्ठ लगाएतले मन्तब्य राख्नु भएको थियो । कार्यक्रमका अवसरमा बोल्दै वडा अध्यक्ष श्रेष्ठले मन्थली वजारमा नेवार समुदायको वाक्लो जनसंख्या भएपनि नेवारी समुदायले अगुवाइ गरेको यस्ता कार्यक्रमममा उपस्थित नहुनु दुखको कुरा भएको बताउनु भयो ।
सो अवसरमा साझ देवकोटो चोकमा दीप प्रज्वलन पनि गरिएको थियो । विगत वर्षदेखिनै यो कार्यक्रम देशभर नेवा खलको अगुवाइमा हुदै आईरहेको छ
यो बारेमा तपाईको प्रतिकृया