अदालतको आदेश सिडिएसले मनेन

रामेछाप,२ माघ । रामेछाप जिल्लको सुनापति गाँउपालिका वडा नं –२ दिमिपोखरीमा सञ्चालन भएको खानेपानीको योजना दोहरोपना परेपछि फलाटे गैरा खोनपानी तथा सरसफाई समितिले जिल्ला अदातलमा हालेको मुद्धा पछि अदालतले दिएको काम रोक्ने सम्बन्धी आदेश सामुदायिक बिकास समाज (सिडिएस) ले अबज्ञा गरेको सो खानेपानेपनी तथा सरसफाई समितिका अध्यक्ष बेन बहादुर थापामगरले बताउनुभएको छ ।

संघिय सरकारको २०७१÷७२ देखि सो योजनाका लागि बजेट परेर काम भैरहेको तर सामुदायिक बिकास समाजले पनि हुँदै नभएको पाकुर खोलाको मुहान दर्ता गरी गोठपानी खोला (फलाटै गैरा खानेपानी योजना संञ्चालन हुन लागेको मुहान ) बाटै योजनाको काम गर्न लागेपछि सो उपभोक्ता समितिले जिल्ला अदातल रामेछापमा २०७८ पुष १३ गते मुद्धा दर्ता गराएको थियो । उक्त मुद्धा दर्ता भएपछि दुबै पक्ष बिच छलफल नगरुन्जेल सम्म काम रोक्न आदेश दिएको थियो । त्यसपछि यहि पुष २५ गते दुबै बादी र प्रतिवादीको आ आफ्नै दावी सुनिसकेपछि अदालतले पुन पेशी तोकेर फैसला नहुन्जेल सम्मका लागि काम रोक्ने यसअघिको अन्तरिम आदेसलाई निरन्तरता दिनु भनेपनि उक्त सामुदायिक बिकास समज मन्थली मार्फत सञ्चालित योजनाको उपभोक्ता समितिका मानिसहरुले धमाधम काम गरिरहेको शनिवार पत्रकार सम्मेलनको अयोजना गरी उक्त समितिका अध्यक्ष थामापगर ले बताउनु भएको थियो । ४ करोड २९ लाखको आयोजना को दोस्रो चरणको काम चलिरहेको पनि थापामगरले जानकारी दिनुभयो ।
स्थानीय रण बहादुर मगरलाई उपभोक्ता समितिको अध्यक्ष बनाएर यहि पुष ६ गते पाकुर खोला मुहान दर्ता गरी ७५ लाखको योजना को काम सामुदायिक बिकास समाजले सुरु गराएको थियो । यस बारेमा सामुदायिक बिकास समाजका कार्यकारी निर्देशक मिलन घिसिङ सँग आफुले समन्वय गरेर काम गर्न अनुरोध गर्दा उहाले स्वीकार गर्नु भएपनि उक्त दोहोरोपनाको काम अझै नरोकिएको पनि अध्यक्ष मगरले पत्रकार सम्मेलनका अवसरमा जानकारी गराउनु भएको थियो । योजना सम्पन्न भएपछि दिमीपोखरीको साबिक वडा नं १ ,२,३,४ का २३४ घर घुरी लाभान्वित हुने गरी सुरु भएको हाल दोहोरोपना परेको गोठपानी खोला को मुहान बाट २०४४ सालदेखि त्यहाका स्थानीयलले खानेपानी ल्याएर खाने गरेका थिए । अदालतले दिएको आदेश लाई नमान्ने उक्त सामुदायिक बिकास समाजलाई पुनः आइतवार अबहेलनाको मुद्धा उक्त समितिले जिल्ला अदातल रामेछापमा दर्ता गराएको पनि अध्यक्ष मगरले बताउनुभयो ।