नेवाः देय् दवूमा नयाँ नेतृत्व

रामेछाप १५ फागुन । नेवाःदेय् दवू रामेछापको जिल्ला अधिबेशन नयाँ नेतृत्व चयन गर्दे शनिवार सम्पन्न भएको छ ।

मन्थली १ को विराज पार्कमा भएको दोस्रो अधिबेशनले खनियाँपानिका गोपाल श्रेष्ठको अध्यक्षमा नयाँ नेतुत्व चयन भएको हो । नेवाःदेय् दवूका केन्द्रिय अध्यक्ष नरेश कुमार ताम्राकारले कार्यक्रमको उद्घाटन गर्नुभएको थियो । सो अबसरमा उहाले नेवार समुदायको एकमात्र साझा संस्था नेवा देय् दवू भएकोले यसलाई सबैको सहयोगमा साझा संगठनको रुपमा स्थापित गर्दैे अगाडी बढ्न पनि आग्रह गर्नुभयो ।
उहाले जिल्लाको सबै नेवार समुदायलाई समेट्न अझै नसकेको भन्दै नयाँ आउने समितिले समेट्न पहल गर्नु पर्ने बताउनुभयो । अब आउने समितिले आफ्नो भेष भुषा संस्कार संस्कृति र भाषाको संरक्षण गर्न लागि पर्नु पर्ने पनि बताउनुभयो । हाम्रो संस्कार र संस्कृति नै नेपालको पहिचान भएकोले यसको संरक्षणमा सबैलाई लागिपर्नु पर्ने बताउनुभयो ।
त्यस्तै गरी मन्थली नगरपालिकाका नगरप्रमुख रमेश कुमार बस्नेतले आफ्नो धर्म संस्कार र संस्कृतको संरक्षणमा नगर मात्र लागेर संभव नहुने भन्दै यस्ता खाले कृयाकलाप सञ्चालन गर्न नगरपालिका पनि लागि पर्ने बताउनुभयो । उहाले नगरपालिकले पनि भाषा धर्म र संस्कृतिको संरक्षण गर्ने दायित्व रहेकोले आफुले सक्ने सहयोग गर्ने प्रतिवद्धता जनाउनुभयो ।
समितिको वरिष्ठ उपाध्यक्ष श्याम कुमार श्रेष्ठ, उपाध्यक्षमा प्रेम कुमार श्रेष्ठ, महिला उपाध्यक्ष पदम कुमारी श्रेष्ठ, सचिबमा विश्वास श्रेष्ठ, महिला सचिबमा सम्झना श्रेष्ठ, र कोषाध्यक्षमा प्रमोद श्रेष्ठ सहित २३ सदस्सिय कार्यसमिति चयन भएको छ ।
त्यसै गरी केन्द्रिय अधिबेशन प्रतिनिधिमा गुञ्ज बहादुर श्रेष्ठ, चन्द्र मानन्धर, बिरेन्द्र श्रेष्ठ, कैलाश श्रेष्ठ, लोक बहादुर श्रेष्ठ, श्याम कुमार श्रेष्ठ, चित्र बहादुर श्रेष्ठ चयन भएका छन् । बागमती प्रदेश अधिबेशन प्रतिनिधिमा अनिल लेकाली, शेखरमान श्रेष्ठ, राम बहादुर श्रेष्ठ, युबराज श्रेष्ठ, प्रमोद श्रेष्ठ, भरत श्रेष्ठ, विश्वास श्रेष्ठ चयन भएका छन् ।