रामेछाप ,२७ फागुन । “ घर घर जाऔ– नेपाली काँग्रेसलाई जिताऔ” भन्ने अभियान सहित नेपाली काँग्रेस गाउँ गाउँमा जाने भएको छ । विहिबार सदरमुकाम मन्थलीमा पत्रकार सम्मेलनको आयोजना गरी उक्त कु्राको जानकारी नेपाली काँग्रेसका प्रबक्ता नारायण बोगटीले जानकारी गराउनुभएको हो । जिल्ला अधिबेसन पछि पार्टिका नियमित बैठक लगायतका कार्यक्रमहरु गर्दे आएको नेपाली काँग्रेसले चैत्र ९ गते बाट अभियान सुरु गर्ने नेपाली कांग्रेस रामेछापले बताएको छ । उहाले जिल्लामा उक्त समय देखि सुरु हुने भएपनि अभियानको औपचारीक उद्घाटन भने यहि फागुन २९ गते १ बजे मन्थलीमा गरिने कार्यक्रम रहेको पनि जानकारी गराउनुभयो ।
पार्टिले संचालन गर्न लागेको अभियानका बारेमा प्रबक्ता बोगटीले पत्रकार सम्मेलनमा जानकारी गराउनु भएको थियो । ९ बाट शुरु हुन लागेको अभियान चैत्र २१ गते सम्म चल्ने जानकारी पनि सो अबसरमा गराईएको थियो । सो क्रममा रामेछाप कांग्रेसले सबै स्थानीय निकायकाहरुमा पुगेर आगामि ३० गते हुन लागेको स्थानीय निर्वाचन लक्षित रणनितीक योजना तय गर्नै छ ।
उसले घर घरमा पुगेर मतदाताहरुको धारणा समेतलाई वुझ्नेकाम गर्नै जानकारी पनि सो अबसरमा गराईएको थियो । काँग्रेसले हाल सम्म संचालन गरेको संचालन पार्टिका गतिविधिहरुका बारेमा पनि जानकारी गराईएको थियो । अभियानमा कार्यकर्ताहरुलाई प्रशिक्षित गराउने योजना समेत काँग्रेसले अघि सारेको छ । केन्द्रिय कार्य समितिको निर्णय अनुसार संचालन गर्न लागिएको अभियानको नेतृत्व केन्द्रीय समितिले केन्द्रीय सदस्य कुन्दनराज काफ्लेलाई दिएको छ ।
अभियानलाई प्रभाबकारी बनाउन सबै पालीकामा पदाधिकारीहरुको संयोजकत्वमा टोली पठाउने निर्णय समेत पार्टि बैठकले गरेको छ । ६ गाउँपालिका र २ नगरपालिका रहेको रामेछापमा घर घर जाऔ– नेपाली काँग्रेसलाई जिताऔ” अभियानका लागि रामेछाप नगरपालिकाको संयोजकमा (उप सभापति) लेखबहादुर कार्की र मन्थली नगरपालिकाकालागि (सचिब ) बिनोद कार्कीलाई तोकिएको छ ।
त्यस्तै खाँडादेवी गाउँपालिका संयोजनका लागि (उप सभापति) नबराज थोकर, गोकुलगंगा गाँउपालिकाका लागि (सचिब) दिपक खड्का , सुनापती गाउँपालिकाका लागि (सह–सचिब) धुर्ब चौलागाई, लिखु तामाकोशी गाँउपालिकाका लागि (सह–सचिब) कमल योन्जन, दोरम्बा शैलुङ गाउँपालिकाका लागि (कोषाध्यक्ष) लबबहादुर थापामगर र उमाकुण्ड गाउँपालिकाका लागि प्रबक्ता नारायण बहादुर बोगटीलाई संयोजक तोकिएको जानकारी पनि पत्रकार सम्मेलनमा जानकारी गराईएको थियो ।
यो बारेमा तपाईको प्रतिकृया