रामेछाप । मन्थली नगरपालिकाले आफनो नगर भित्र रहेका सहकारीहरुलाई क्षमतावान र जोखिममुक्त बनाउने भएको छ । उसले दुईदिन सम्म ति सहकारी हरुलार्ई जोखिम कर्जा तथा क्षमता विकास शिर्षकमा तालिमा दिएर सहकारी विकासको अभियान आरम्भ गरेको हो । विहिबार र शुक्रबार गरि दुई दिन संचालन हुने तालिममा नगरभित्र संचालनमा रहेका करिब ४० वटा सहकारीका अध्यक्ष तथा पदाधिकारीहरुको संलग्नता रहेको छ । पछिल्लो समयमा सहकारीहरुको उचित व्यबस्थापन नहुँदाको अबस्थालाई लक्षित, गरी मन्थली नगरले उक्त तालिम सञ्चालनमा ल्याएको हो ।
नगरभित्र ११२ वटा सहकारी संस्थाहरु रेहको मन्थली नगरपालिकासंग तथ्याङ्क छ । जसमा गत वर्ष ५३ वटा सहकारीहरु अध्यावधिक भएका थिए भने चालू आर्थिक वर्षमा ७० देखि ८० वटा सहकारीहरु अध्यावधिक भएको तथ्याङ्क देखाउछ । रामेछाप जिल्ला सहकारीका अनुसार जिल्लामा कूल ४०३ वट सहकारी रहेको तथ्याङ्क छ ।
मुलुकभर सहकारी संचालन गर्नै प्रतिस्पर्धा चलि रहेको बेला जिल्लाभर र मन्थली नगरपालिकाले समेत यसले तिब्रता पाए संगै चलेको अस्वस्थातालाई नियन्त्रण गर्नै अभियानमा लागेको मन्थली नगरपालीकाले त्यसको बारेमा बुझाउन सजिलो होस भन्नका लागि सहकारी विज्ञ दिपक बस्नेतको सहजिकरणमा तालिम संचालन गरिरहेको जानकारी नगरपालीकाका योजना शाखा प्रमुख उज्वल पोखरेलले जानकारी गराए । मन्थली नगरपालिकाभित्र विभिन्न वडाहरुमा सहकारीहरु खुल्ने क्रम बढ्दो छ । तर, यी सहकारीहरु धेरै जसोले सेवाको नाममा आमजनताको रकम असूल्न गरेको गुनासो छ । सोही समस्यालाई ध्यानमा राख्दै नगरपालिकाले सहकारीहरुलाई ‘मर्ज’ प्रक्रियामा लैजाने अबधारणासहित व्यवस्थित तरिकाले संचालन गर्न प्रशिक्षण थालेको हो । जनताले दुःख गरेर कमाएको पैसा आवश्यक परेको बेला जुनसुकै समयमा चालन पाउने, सस्तो ब्याजमा ऋण दिन उद्देश्यले सहकारीहरु खुल्ने र उद्देश्य बमोजिमको काम नगर्दा स्थानीयहरुले सास्ति खेप्न बाध्य छन् । करिब ४० वटा सहकारीहरु सहभागी उक्त तालिममा सहकारी विज्ञ दीपक बस्नेतले सहजिकरण गर्दै छन् ।
तालिमको उद्घाटन गर्दै नगरप्रमुख रमेशकुमार बस्नेलते झोले सहकारी संस्थाहरुलाई कारबाही गर्ने बताएका छन् । साथै उनले सहकारीहरुले उद्देश्य बमोजिकको नगरेको भन्दै त्यस्ता सहकारीहरु कारबाहीको दायरामा ल्याउन चेतावनी दिए । उनले जनताहरुले उत्पादनशित क्षेत्रमा लगानी गर्नु पर्ने भन्दै घर, गाडीमा लगानी पर्ने पैसा कृषि, पशुपालन लगाएत उत्पानशिल् क्षेत्रमा लगानी बढाउनु पर्ने सुझाए ।
यो बारेमा तपाईको प्रतिकृया