रामेछाप,३ जेठ । रामेछाप जिल्लाको रामेछाप नगरपालिकामा नेपाली काँग्रेसका लवश्री न्यौपाने र वाला कुमारी कार्की क्रमश नगर प्रमुख र उपप्रमुखमा विजयी हुनु भएको छ ।
सोमवार साँझ सम्पन्न भएको रामेछाप नगरपालिकाको मत गणनाको अन्तिम परिणाम अनुसार नगर प्रमुखका उमेद्वार न्यौपानेले ६ हजार ६ सय ३९ र बाला कुमारी कार्कीले ६ हजार ६ सय ४० मत प्राप्त गरी बिजयी हुनु भएको हो ।
उहाहरुका निकट्तम प्रतिद्धन्दी नेकपा एमालेका नगर प्रमुखका उमेद्वार रोशन पाख्रीनले ५ हजार ९ सय ८६ मत प्राप्त गर्नु भएको थियो भने सीता केशीले ५ हजार ३ सय ४७ मत प्राप्त गर्नु भएको हो । ९ वटा वडा रहेको उक्त नगरपालिकामा वडा नं २ देउराली र वडा नं ९ ल्याङ याङ नेकपा माओवादी केन्द्रले जितेको छ भने बाँकी ७ वडा वडाहरु काँग्रेसले जितेको छ । बिजयी हुने नगर प्रमुख न्यौपाने नेपाली काँग्रेसको निबर्तमान जिल्ला पार्टि सभापति र किसान संघका पूर्व केन्द्रीय महासचिब हुन् ।
यो बारेमा तपाईको प्रतिकृया