मन्थली, २८ जेठ । मन्थली नगरलाई वालश्रम मुक्त नगर निर्माणका लागि वालश्रम प्रयोग भए नभएको वारेमा अनुगमन सुरु भएको छ ।
मन्थली नगरपालिका क्षेत्र भित्र सञ्चालित होटल, पसल, उद्योग निर्माण ब्यवसय लगाएत अन्य जोखिमयुक्त क्षेत्र भित्र वाल श्रम शोषण हुनवबाट रोक्न वाल सरोकारवाला सहितको अनुगमन अभियान शनिबार देखि सुरु भएको हो ।
नगरलाई वालश्रम मुक्त बनाउनका लागि मन्थली नगरपालिकाको नाका सेलेघाट देखि मिल्ती सम्म रहेका होटल तथा सबै खाले पसलहरुमा अनुगमन गरिने मन्थली नगरपालिका महिला तथा वालवालिका शाखाकी प्रमुख भगवती तामाङले बताउनुभयो ।
नगर वाल क्लव सञ्जालको संयोजन तथा मन्थली नगरपालिकाको अयोजनामा सुरु भएको अभियानमा हरेक होटल तथा पसलहरुमा वालश्रम प्रयोग नगर्न लिखित अनुरोध गर्नुका साथैका साथै उनीहरु सँग कामदाहरुको बिबरण समेत संकलन गरिएको छ । अनुगमन पश्चाल नगरको वालश्रमको अबस्था का वारेमा प्रतिबेदन सार्बजनिक गर्ने तयारी रहेको पनि तामाङले बताउनुभयो ।
यो बारेमा तपाईको प्रतिकृया