रामेछाप ,१० असार । रामेछाप जिल्लाको सदरमुकाम रहेको मन्थली नगरपालिकाले आगामी आर्थिक वर्ष २०७९÷८० को नीति तथा कार्यक्रम सहित १ अर्ब ४० करोड ७८ लाख बरावरको बजेट सार्वजनिक गरेको छ ।
नगरपालिकाको शुक्रवार सम्पन्न ११ औँ नगर अधिवेशनले नगरपालिका भित्रका क्रमागत आयोजनालाई निरन्तरता दिने, ठुला तथा पूर्वाधार निर्माण गर्ने, स्वास्थ्य, शिक्षा,कृषि तथा पशुपालन, विपद् व्यवस्थापन, लक्षित वर्ग कार्यक्रम, रोजगारी सिर्जना र सुशासनलाई मुख्य प्राथमिकतामा राखेर नीति तथा कार्यक्रम सार्वजनिक गरेको हो ।
नगर प्रमुख लव श्रेष्ठको अध्यक्षतामा सम्पन्न उक्त सभा ले छोरीको जीवन बिमा देखि भेटेरीनरी पढने लाई छात्र बृत्ति दिने समेत योजना अगाडि सारेको छ ।
नगर अधिवेशनमा नगरप्रमुख लब श्रेष्ठले सार्वजनिक गर्नुभएको नीति तथा कार्यक्रममा एक वडा एक उत्पादन, विद्यालयमा सिक्दै कमाउदै र वडा स्तरबाट नै अनलाइन प्रविधिबाट व्यक्तिगत घटना दर्ताको व्यवस्था गरिने लगायतका कार्यक्रम समावेश गरिएको छ । एकीकृत सम्पत्ती करमा १० प्रतिशत कटौती गरी कर समायोजन गर्ने, नगरभित्र नै कृषि तथा पशु प्राविधिक जनशक्ति उत्पादन तथा परिचालनका लागि कृषि र भेटेरिनरी बिषयमा डिप्लोमा अध्ययनका लागि छात्रवृत्ति कार्यक्रम सञ्चालन गर्ने, नगरपालिका भित्रका विद्यालयहरुमा कक्षा एक देखि नै गणित लगायतका प्रमुख बिषय अङ्ग्रेजी माध्यमबाट पठनपाठन गर्ने, विद्यार्थीसँग स्वास्थ्यकर्मी र किशोरीसँग नर्स कार्यक्रम सञ्चालन गर्ने लगायतका कार्यक्रम समावेश गरिएको छ । नगरसभामा मन्थली नगरकी उप–प्रमुख इश्वरी बस्नेतले एक अर्ब ४० करोड ७८ लाख ५३ हजार रुपैया बरावरको बजेट प्रस्तुत गर्नुभएको थियो ।
विनियोजित बजेटमध्ये चालुतर्फ ९६ करोड २७ लाख ३ हजार र पूँजीगत तर्फ ४४ करोड ५१ लाख ५० हजार रुपियाँ रहेको छ । बाँडफाँड गर्न मिल्ने ५६ करोड ८ लाख ११ हजार रकम विनियोजन गरिएकोमा चालुतर्फ २६ करोड २८ लाख ७१ हजार र पूँजीगततर्फ ३० करोड ५ लाख ५१ हजार रहेको छ ।
सार्वजनिक गरिएको नीति तथा कार्यक्रममा १४ वटै वडामा टोल बिकास समिति गठन गर्ने, नियमिति रुपमा मृगौला परीक्षणको ब्यवस्था गर्ने, छोरीको जन्मलाई प्रोत्साहित गर्न नगरभित्र स्वास्थ्यको मापदण्ड पुरा गरी स्वस्थ्य कर्मीको निगरानिमा जन्म हुने छोरीको जीवन बिमा वापदको पहिलो किस्ता बापदको रकम नगरपालिकाले उपलब्ध गराउने कुराहरु पनि उल्लेख गरिएको छ ।
यो बारेमा तपाईको प्रतिकृया