रामेछाप,११ भदौ । घाँस काट्ने क्रममा बच्छिउँले चिल्दा लिखु तामाकोशी गाउँपालिका–४ कल्लेरीका ७५ बर्षिय टेक बहादुर सिंजाली मगरको ज्यान गएको छ ।
घर नजिकैको खरबारीमा घाँस काट्ने क्रममा मगरलाई शुक्रबार बच्छिउँले चिलेको र शनिवार बिहान स्वास्थ्य चौकी धोवीमा उपचार पछि थप उचारको क्रममा ज्यान गएको हो ।
शुक्रवार दिउँसो घाँस काट्न गएका ७५ बर्षिय मगर अबेरसम्म घर नफर्किएपछि उनलाई खोज्न गएका आफन्तहरुले घाँस काट्न गएको ठाँउमा अचेत अबस्थामा फेला पारेका थिए । उनको शरिरभरी बच्छिउले टोकिरहेको अवस्थामा भेटेपछि तत्काल उपचारका लागि स्वास्थ्य चौकी धोवीमा पुर्याइएको थियो । उक्त स्वास्थ्य चौकीमा उपचार सम्भव नभएपछि थप उपचारका लागि काठमाण्डौं लैजाँदै गर्दा बाटोमा मृत्यू भएको लिखु तामाकोशी गाउँपालिकाका अध्यक्ष केशब महतले जानकारी दिनुभयो ।
मृतक मगरको शब आजै मन्थली अस्पतालमा पोष्टमार्टम गरी अन्त्येष्टि गरिएको छ । मृतकको पार्थिब शरीरमा नेपाली काँग्रेसका केन्द्रीय सदस्य हरी शंकर नेपाली , जिल्ला सभापति कान्छाराम तामाङ्ग र गाँउपालिकाका अध्यक्ष केशव महतले काँग्रेसको झण्डा ओढाएर श्रद्धाञ्जली अर्पण गरेका थिए ।
यो बारेमा तपाईको प्रतिकृया