मन्थली बचतले सक्यो सात केन्द्रमा साधारण सभा

रामेछाप,१६ मंसिर । शनिवार सदरमुकाम मन्थलीमा २५ औं साधारण सभा गर्ने अभियानमा जुटेको मन्थली वचत तथा ऋण सहकारी संस्थले आफ्नो कार्यक्षेत्रका ७ वटा केन्द्रमा पुगेर क्षेत्रगत साधारण सभा गरेको छ ।
आफ्ना शेयर सदस्यहरुको लागि घर दैलोमा सेवा प्रवाह गरी संस्थाले एक वर्षको अबधिमा गरेको गतिविधिका बारेमा उनीहरुलाई जानकारी गराउने उदेश्यले संस्थाले कार्यसमितिका सदस्य एबं पदाधिकारी र कर्मचारी खटाएर ७ वटा क्षेत्रमा कार्यक्रम गरेको हो ।
मन्थली नगरपालिकाका १४ वटै वडा, रामेछाप नगरपालिकाका ६,७,८ र ९ खाँडादेवी गाउँपालिकाका ४ र ५,लिखु तामाकोसी गाउँपालिकाका ३,४,५ र ७ सम्म कार्यक्षेत्र रहेको उक्त संस्थाले मन्थली,रामेछाप,धोवी, गेलु,चिसापानी पकरवास र चिसापानी गरी कुल ७ वटा क्षेत्रमा पुगेर सबैलाई पाएक पर्ने ठाउँमा साधारण सभा सम्पन्न गरेको संस्थाका अध्यक्ष गोविन्द घिमिरेले जानकारी दिनुभयो ।
संस्थाले सहकारी नियमावली र संस्थाको विनियम अनुसार क्षेत्रगत रुपमा गरेको कार्यक्रममा ८० प्रतिशत शेयर सदस्य सहभागि रहेको उक्त साधारण सभाका लागि अध्यक्ष गोविन्द घिमिरे,सचिब हिमाल ढुंगेल, कोषाध्यक्ष टीका प्रसाद भट्ट, सदस्य नविन घिमिरे र महेश घिमिरेको नेतृत्वमा टोली खटिएको थियो ।
उक्त संस्थाले आव ०७८÷७९ मा सबै खर्च कटाएर ५६ लाख ७० हजार २ सय ८१ खुद मुनाफा कमाएको छ भने संस्थाको शेयरपुँजी ९ करोड ४५ लाख ९० हजार ४ सय रुपैयाँ रहेको छ । संस्थाले १ बर्षको अबधिमा ८५ करोड ४५ लाख ४५ हजार २ सय ७५ रुपैयाँ बचत संकलन गरेको छ भने संस्थाको कुल सम्पति १ अर्ब ६ करोड ८४ लाख ७९ हजार ७ सय ६३ रुपैया पुगेको जानकारी पनि सो अबसरमा गराईएको थियो ।
त्यस बाहेक संस्थाले आफना शेयर सदस्यहरुको क्षमता विकासका र विभिन्न ब्यवसायिक प्रयोजनका लागि ऋण प्रवाह गरी उनीहरुको आर्थिक उपार्जनमा पनि सहयोग पुर्याउँदै आएको संस्थाका संचालक नविन के शी जानकारी दिनुभयो ।