रामेछाप,२७ पुष । रामेछाप नगरपालिकाले चालु आर्थिक वर्षमा हाल सम्म १८.७८ प्रतिशत मात्र बजेट खर्च गर्न सकेको छ ।
बुधवार रामेछाप नगरपालिकाको सुकाजोरमा सम्पन्न बाह्रौं अधिवेशनमा उक्त कुराको जानकारी गराइएको हो । अधिबेशन पछि आयोजित पत्रकार सम्मेलनमा चालु आर्थिक वर्षका लागि विनियोजित चालु तर्फको रु ४६ करोड ९८ लाख २३ हजार ४ सय ३४ रुपैया र पूजिगत तर्फ ३१ करोड ७ लाख ६० हजार ५ सय ५६ रुपैया गरी कुल ७८ करोड ५ लाख ८४ हजार वजेट बिनियोजित भएपनि हाल सम्म चालु तर्फ १२ करोड २४ लाख ४९ हजार ३ सय २० र पुँजीगत तर्फ २ करोड ४१ लाख ५५ हजार ३२ रुपैया गरी कुल १४ करोड ६६ लाख,४ हजार ३ सय ५२ रुपैया खर्च भएको जनाइएको हो । यसरी हेर्दा चालु तर्फ २० प्रतिशत र पँुजीगत तर्फ ७.७८ प्रतिशत खर्च भएको पाइएको कार्यक्रमका अबसरमा जानकारी गराइएको हो ।
नगर अधिवेशन पछि नगर प्रमुख लवश्री न्यौपानेको अध्यक्षतामा आयोजना गरिएको पत्रकार सम्मेलका अवसरमा उहाले आफुहरु निर्वाचित भएदेखि नै काम लाई गति दिएको तर विचमा दशै तिहार एबं संघ र प्रदेशको निर्वाचनका कारण लागेको आचारसंहिताले सोचे अनुसारको उपलब्धी हासिल गर्न नसेको भएपनि अर्को वर्ष भने यस्तो नहुने वताउनुभयो ।
सो असरमा बोल्दै उपप्रमुख वाल कुमारी कार्की ले महिलाहरुको हक अधिकारका लागि बिभिन्न कार्यक्रमहरु गरिएको न्यायिक समितिलाई क्षमता अभिबृद्धिका कार्यक्रमहरु गरिएको बताउनुभयो ।
सो अबसरमा बोल्दै नगरपालिकाका प्रवक्ता समिर कार्कीले केहि योजनाहरु निर्माण ब्यवसायिमार्फत भैरहेको हुनाले प्रगति कम देखिएका भन्दै अधिकांस वडाका योजनाहरु कार्यान्वयनका चरणमा रहेको, योजना सम्पन्न भइसकेपनि कत्ति योजनाहरु को भुक्तानी माग नभएका कारणले वर्तमान अबस्थामा उपलब्धी नदेखिएपनि माघ को पहिलो हप्ता भित्र धेरै उपलब्धी देखिने बताउनुभयो ।
पत्रकार महासंघ रामेछापका अध्यक्ष बद्री नयाँघरेले असार सम्ममा धेरै बिकास का काम हुँदा गुणस्तर हिन हुन सक्ने प्रति सजग रहन आग्रह गर्दै बिनियोजनका तुलनामा वर्तमान अबस्थामा भएको खर्च ज्यादै न्यून रहेको बताउनुभयो ।
सो अबसरमा सञ्चारकर्मीहरुले समेत बिभिन्न सुझाब दिएका थिए ।
यो बारेमा तपाईको प्रतिकृया