रामेछाप,२ माघ । हिजो माघ १ गते काठकाण्डौं बाट पोखरा जाने क्रममा भएको हवाई दुर्घटनामा परी दिवंगत हुनु भएका नेपाल पत्रकार महासंघका केन्द्रीय सदस्य त्रिभुवन पौडेल सहित ७२ जनाको चिर शान्तिको कामना गदै नेपाल पत्रकार महासंघ रामेछापले दीप प्रज्वलन गरेको छ ।
पत्रकार महासंघ केन्द्रीय समितिले निर्णयगरी देशभरका जिल्ला शाखाहरुले दीप प्रज्वलन गरेर मृतात्माको शान्तिको कामना गर्ने कार्यक्रम राखेको थियो ।
रामेछाप शाखाले पनि मन्थली स्थित देवकोटा चोकमा सोमावार साँझ ७२ वटा दीप प्रज्वलन गरी मृतात्माको चिर शान्तिको कामना गरेको छ भने शोक पुस्तिकामा हस्ताक्षर संकलन कार्यक्रम पनि सुरु गरेको छ । शोक पुस्तिकामा १२ औ दिन सम्म हस्ताक्षर गर्न सकिने महासंघका अध्यक्ष बद्रि नयाँघरेले बताउनुभयो ।
यो बारेमा तपाईको प्रतिकृया