सृजनशीलको “रामेछाप विकास बहस”

रामेछाप,३ माघ । समाज विकासमा कियाशिल रामेछाप–काठमाडौँ सृजनशील समाजले मन्थली नगरपालिकामाअन्तरक्रिया कार्यक्रम गर्ने भएको छ ।
समाजले यहि शनिबार सदरमुकाम मन्थलीमा समृद्ध मन्थली नगरको लागि प्रशिक्षणात्मक तथा अन्तरकृया कार्यक्रम अन्तर्गत “मन्थली नगरपालिका विकास बहस” संचालन गर्न लागेको हो ।
नगरपालिकाको सभा हलमा बिहान ८ बजेदेखि संचालन हुन लागेको उक्त कार्यक्रममा संघिय तथा प्रदेशका निवर्तमान र वर्तमान सांसादहरु ,जिल्ला समन्वय समितिका पदाधिकारीहरु र मन्थली नगरपालिकाका सबै जननिर्वाचित प्रतिनिधि,सरोकारवाल तथा विज्ञहरुलाई समेत सहभागी गराईने आयोजकले जनाएको छ ।
शुसासन र पारदर्शिता लाई मुख्य आधार बनाई विगत २ वर्षदेखि समृद्ध रामेछापको लागि “रामेछाप विकास बहस” सञ्चालन गर्दै आएको यो संस्थाले मन्थली नगरपालिकाले पुर्व जन प्रतिनिधिहरु नगर प्रमुख प्रत्यासी समेत राखेर विगतको प्रगति र आगामी ५ वर्ष भित्र पालिकाले गर्ने कार्यक्रम र निर्धारित कार्यदिशाका बारेमा समेत छलफल चलाउने छ । मन्थली नगरपालिकाको आर्थिक सहयोगमा समाजले प्राविधिक सहयोग गर्ने जनाइएको छ ।
मन्थलीको संम्बृद्धिलाई समेत जोडेर संस्थाले त्यसका लागि के गर्न सकिन्छ भन्ने सन्दर्भमा विस्तृत छलफल तथा जानकारी लिन लागेको कार्यक्रमका जिल्ला अध्यक्ष विपिन भट्टराईले जानकारी दिनुभयो । बहस कार्यक्रममा ‘मन्थली नगर प्रमुखको आगामी ५ वर्षे योजना र भिजन, नगरको सम्भावना, समस्या र समाधानको विषयमा छलफल गरिने छ ।