नेविसंघको न्यानो कपडा

रामेछाप,१० माघ । नेपाल बिद्यार्थी संघ रामेछापले मन्थली माविमा अध्ययन गर्ने वालवालिकाहरुका लागि न्यानो कपडा बितरण गरेको छ ।
नेविसंघका अध्यक्ष विनोद बुढाथोकीको अध्यक्षता र संघिय सांसद एबं नेपाली काँग्रेसका पार्टि सभापति पूर्ण बहादुर तामाङ (कान्छाराम) को प्रमुख आतिथ्यतामा न्यानो कपडा वितरण गरिएको हो ।
सो अबसरमा बोल्दै सांसद तामाङले मोवाइल लिएर कक्षा कोठामा पढाउन जाने शिक्षकले प्रभावकारी ढंगबाट पढाउन नसक्ने बताउनु भयो ।

उहाले बिद्यालय आएका शिक्षकहरुको मोवाइल १० बजे देखि ४ बजे सम्म प्रधानाध्यापक को कार्यकक्षमा राखेर पढाउन गए मात्र राम्रो सँग पढाउन सकिने अन्यथा गुणस्तरीय पढाई नहुने कुरालाई जोड दिनुभयो ।
उहाले घरपायक शिक्षकले राम्रो सँग पढाउन नसक्ने भन्दै राम्रो तलव दिएर घर पाएक भन्दा वाहिर पठाउँदा मात्र प्रभावकारी पठन पाठन हुन सक्ने बताउनुभयो ।
सो अबसरमा बोल्दै सांसद तामाङले आफ्नो संघिय सांसदको कार्यकाल भित्र जिल्ला समन्वय समिति रामेछापको सुबिधा सम्पन्न भवन वनाएरै छाडन्े जसका लागि आबश्यक काम सुरु भैसकेको पनि बताउनुभयो ।
कार्यक्रमकी बिशिष्ट अतिथि एबं जिल्ला समन्वय समितिकी प्रमुख चिना खड्का, कार्कीले मन्थली मावि लाई आफुले पनि सकेको सहायोग गर्न आबश्यक पहल गर्ने बताउनुभयो । जिल्ला सदरमुकामको बिद्यालय राम्रो भयो भने जिल्लाका सबै बिद्यालयहरुले अनुसरण गर्ने भएकोले गुणस्तरीय पठनपाठनका लागि मन्थली मावि सधै अग्रस्थानमा हुनुपर्ने कुरालाई जोड दिनुभयो ।
सो अबसरमा बोल्दै बिद्यालय ब्यवस्थापन समितिका अध्यक्ष तेजप्रसाद सुवेदीले नेविसंघले गरेरको सकरात्मक कामको प्रसंशा गर्दै आगामी दिनमा पनि बिद्यालयमा अझ रचनात्मक कामहरु गर्न र बिद्यालय सुधारका लागि सल्लाह सुझाव दिन अनुरोध गर्नुभयो ।
कार्यक्रमको अबसरमा बोल्दै नेविसंघका अध्यक्ष बिनोद बुढाथोकीले आफ्नो संगठनले पहिलो चरमा मन्थली माविका ३ सय वालालिकाहरुलाई न्यानो कपडा बितरण गरिएको बताउनुभयो ।