रामेछाप,२१ माघ । नेकपा दाहाल –नेपाल (दाने) समुहले भोलि २२ गते विहीवार आम हड्तालको आब्हन गर्दै बुधवार साझ मन्थलीमा राँके जुलुस प्रदर्शन गरेको छ ।
स्थानीय कटहरवोट चोक नजिक वाट वर्तमान प्रधानमन्त्री केपी ओली विरुद्धका नाराहरू सहित निस्केको मसाल जुलुसले मन्थली वजार परिक्रमा गरी देवकोटा चोकमा विसर्जन गरेको थियो ।
विर्सजन गर्ने क्रममा आगो निभाउन प्रहरीले पटक–पटक प्रयास गरेपनि आन्दोलनकारीहरुले दिएनन् । पटक–पटक झडप हुँदै अन्त्यमा प्रहरी र आन्दोलन कारी दुवै मिलेर आगो निभाइ सरसफाई गरेका थिए । यता गृह मन्त्रालयले नेकपा दाने समुहले २२ गते आम हड्ताल घोषणाको बक्तब्य प्रति मन्त्रालयको ध्यानकर्षण भएको जनाएको छ ।
मन्त्रालयका प्रवक्ता चक्र बहादुर बुढाद्धारा हस्ताक्षरीत बिज्ञप्तिमा नेपालको संविधानमा उल्लेख भए अनुसार वन्द ,हड्ताल आगजनी, सर्वसाधारण जनताले प्रयोग गर्ने सार्वजनिक सवारी साधनमा अबरोध गर्न नपाइने नागरिक हरुको हक अधिकार सुरक्षित गर्ने लगाएतका संविधान प्रदत्त कुराहरु निर्वाध गर्न पाउने नागरिकहरुको अधिकार सम्मान गर्न गृह मन्त्रालयले आग्रह गरेको कुरा उल्लेख गरिएको छ । २१ गते वुधवार जारी गरिएको उक्त बिज्ञप्तिमा सबैले आ–आफ्नो पसल, उद्योग धन्दा कलकाराखाना, यातायात विद्यालय सञ्चालनका लागि अनुरोध गरिएको छ । यदि आगजनी ,तोडफोड ,जवरजस्ती गरेको पाइएमा जो सुकैलाई कानुन बमोजिम कार्वाहि गरिने कुरा पनि बिज्ञप्तिमा उल्लेख गरिएको छ ।
यो बारेमा तपाईको प्रतिकृया