रामेछाप, ७ जेठ । मन्थली नगरपालिकाका नव निर्बाचित नगर प्रमुख लब श्रेष्ठले मन्थली नगर सञ्चालनका लागि ब्रम्हाकुमारी राजयोग सेवा केन्द्रको सल्लाह र सुझाब अपरिहार्य भएको बताउनुभएको छ ।
शनिबार ब्रम्हाकुमारी राजयोग सेवा केन्द्र मन्थलीले मन्थली नगरपालिकाका नव निर्बाचित नगर प्रमुख तथा वडा अध्यक्षहरुलाई बधाई एबं शुभकामना कार्यक्रमका अबसरमा श्रेष्ठले सो कुरा बताउनुभएको हो ।
उहाले आफु सँधै यस सेवा केन्द्रको सल्लाह र सुझावको अपेक्षा गर्ने भन्द्र काम गर्ने शिलसिलामा आउने बिभिन्न किसिमका झमेला र चुनौतिको सामना गर्न यस राजयोग सेवा केन्द्रमा आएर योग र ध्यान गरेपछि सहज हुने अनुभव आफुले यस अघिनै लिइसकेको पनि बताउनुभयो ।
उक्त राजयोग सेवा केन्द्रकी प्रमुख सञ्चालिका ब्रम्हकुमारी बिष्णु दिदिको अध्यक्षता एबं नग प्रमुख श्रेष्ठ को प्रमुख आतिथ्यतामा सम्पन्न उक्त कार्यक्रमका अबसरमा मन्थली नगरपालिका वडा नं –७ का अध्यक्ष भुवनहरी प्रसाई, शसस्त्र प्रहरी वलका प्रहरी नायव उपरिक्षक केशब राज प्याकुरेल, मन्थली माविका प्रअ टंक प्रसाद दाहाल र नेपाल पत्रकार महासंघ रामेछापका अध्यक्ष बद्री नयाँघरे लगाएतले आ आफ्नो मन्तब्य राख्दै नव निर्बाचित सबै लाई बधाई एबं शुभकामना ब्यक्त गर्दैै समृद्ध नगरका लागि नव निर्बाचित नगर प्रमुख र वडा अध्यक्षहरुले दलिय राजनीति बाट माथि उठेर काम गर्नु पर्ने कुुरालाई जोड दिनुभयो ।
सो अबसरमा नव निर्बाचित नगर प्रमुख श्रेष्ठ, वडा नं –१ का वडा अध्यक्ष होम प्रसाद पौडेल (रामहरी), वडा नं –३ का वडा अध्यक्ष कृष्ण गोपाल थापा, वडा नं –५ का अध्यक्ष रबिन कार्की, वडा नं ७ का अध्यक्ष भुवनहरी प्रसाई र वडा नं –८ का अध्यक्ष गोपाल श्रेष्ठ, वडा नं –९ का अध्यक्ष गोकर्णराज आरण लगाएतलाई सेवा केन्द्रकी प्रमुख संञ्चालिका बिष्णु दिदिले बधाई एबं सफल कार्यकालको शुभकामना ब्यक्त गर्दै इश्वरीय सौगात समेत प्रदान गर्नुभएको थियो ।
यो बारेमा तपाईको प्रतिकृया