कलाकार समाजद्धारा पत्रकार सुमित श्रेष्ठ सम्मानित

रामेछाप १० बैशाख । सांस्कृतिक कलाकार समाज रामेछापले पत्रकार सुमित श्रेष्ठलाई सम्मान गरेको छ । समाजले शनिबार आफनो कल्याणकारी कोष स्थापना कार्यक्रमको अवसर पारेर युवा पत्रकार श्रेष्ठलाई सम्मान गरेको हो ।
पत्रकार श्रेष्ठले पत्रकारीता क्षेत्रमा रहेर जिल्लाको कला सस्कृतिको संरक्षण र सम्बद्र्धन तथा जगेर्ना गर्न खेलेको भुमिकाको उच्च प्रशंसा गर्दे समाजले पत्रकार श्रेष्ठलाई सम्मान गरेको हो । मिलनसार र सहयोगि स्वभावका श्रेष्ठ हाल ए पी वान टेलिभिजन, अक्षता दैनिक र हाम्रो अनलाइन लगाएत आधा दर्जन मिडियामा क्रियाशिल रहेका छन् ।
पत्रकार श्रेष्ठलाई कार्यक्रमका प्रमुख अतिथि समेत रहेका संस्कृति पर्यटन तथा नागरिक उड्यन मन्त्री सुदन किराँतीले सम्मानपत्रद्धारा सम्मान गरेको जानकारी आयोजक संस्था सांस्कृतिक कलाकार समाजले गराएको छ ।