रामेछाप २४ माघ । बागमती प्रदेशका मुख्य मन्त्री डोरमणी पौडेलले रामेछापको खाँडादेवी गाउँपालिका वडा नं ३ डफ्कामा निर्माण गरिएको एकीकृत माझी बस्ती हस्तान्तरण गर्नु भएको छ । बागमती प्रदेश सरकार र गाउँपालिकको संयुक्त लगानीमा निर्माण गरिएको एकीकृत बस्ती शनिबार एक समारोहका विच मुख्यमन्त्री पौडेलले उक्त नमुना बस्तिको साँचो मुख्य खाँडादेवी गाउँपालीकाका अध्यक्ष प्रेम तामाडलाई औपचारीक कार्यक्रमका विच हस्तान्तरण गर्नु भएको हो । साँचो हस्तान्तरण गर्दे मुख्यमन्त्री पौडेलले उक्त नमूना बस्तीले विपन्न र पिछडिएको माझि समुदायलाई राहत पुगेको भन्दै सरकारले रामेछाप जिल्ला र सिडो बाग्मति प्रदेशमा यस्ता खालका जनप्रिय काम थुप्रै गरेको उदाहरण प्रस्तुत गर्नु भयो ।
विपी राजमार्ग नजिकै र निर्माणाधिन मध्यपहाडी राजमार्ग संगै जोडिएको डफकाको माझी बस्ती २०७२ साल बैशाखको भूकम्पबाट क्षति पुगेपछि स्थानिय माझीहरुका लागि घर बनाउनका लागि निकै चुनौति थपिएको थियो । सो कुरालाई नजिकबाट नियालेको स्थानिय सरकारले प्रदेश सरकार संग समेत समन्वय गरि डफकाको माझि बस्तीलाई नमूना बस्तिका रुपमा विकास गर्ने निर्णय गरेको थियो । सो नमूना बस्ति निर्माणका लागि बागमती प्रदेश सरकारले १ करोड ५० लाख रुपैँयाँ र खाँडादेवी गाउँपालिकाको ७५ लाख रुपैँया गरि २ करोड २५ लाख कूल खर्च भएको थियो । २६ रोपनी जमिनमा ४२ वटा दुई कोठे घर र ब्यवस्थीत शौचालयहरु समेत निर्माण गरिएको थियो । उक्त एकीकृत बस्तीलाई नमुना बस्तिको रुपमा विकास गर्न दुवै सरकारको संयुक्त पहलमा सामुदायीक भवन, खेल मैदान लगायतका संरचनाहरु पनि तयार गरिएको छ ।
कार्यक्रममा बागमती प्रदेशका प्रवक्ता एवं आर्थिक मामिला तथा योजनामन्त्री कैलाश ढुंगेल, बागमती प्रदेशका कृषि मन्त्री दावा दोर्जे लामा, खाँडादेवी गाउँपालिका प्रमुख प्रेम बहादुर तामाङ्, नेता माधव ढुङ्गेल, प्रमुख जिल्ला अधिकारी अर्जुन कुमार शर्मा, भिरपानीका वडा अध्यक्ष पुष्कर कार्कीलगाएतले डफकामा निर्माण गरिएको नमुना माझी बस्तीले सरकार प्रति सर्वसाधारणको भरोस अभिबृद्धि भएको दावि गर्नु भएको थियो ।
यो बारेमा तपाईको प्रतिकृया